ٹیم فارم میں ہے، نتیجہ بھی بہتر ہی نکلے گا، کولمبو پہنچنے پر محسن نقوی کی میڈیا سے بات چیت

پاکستان کرکٹ بورڈ کے چیئرمین محسن نقوی پاکستان کرکٹ ٹیم کی موجودہ فارم سے  مطمئن اور پاکستان کی بھارت کے خلاف اتوار کے ٹی 20 میچ میں جیت کے لیے پر امید ہیں۔

یہ بھی پڑھیں: پاک بھارت ٹی 20 میچ: قومی ٹیم اتوار کو روایتی حریف کو پچھاڑ دے گی، ڈاکٹر نعمان نیاز کا دلائل کے ساتھ دعویٰ

چیئرمین پی سی بی ٹی 20 ورلڈ کپ میں پاک بھارت مقابلہ دیکھنے کولمبو پہنچ گئے۔ سری لنکا کے دارالخلافے پہنچنے پر ان کا پرتپاک استقبال کیا گیا۔ اس موقعے پر سری لنکا کے وزیر کھیل نے محسن نقوی کا خیرمقدم کیا۔

محسن نقوی میچ سے قبل قومی ٹیم سے ملاقات بھی کریں گے تاکہ کھلاڑیوں کا حوصلہ بڑھایا جا سکے اور اہم مقابلے سے پہلے ان کی ہمت افزائی کی جائے۔

مزید پڑھیے: پاکستان ٹیم کے لیے کون سا بھارتی بڑا خطرہ، ٹی 20 ورلڈ کپ کون جیتے گا، سابق انگلش کرکٹر معین علی کی پیشگوئیاں

ہوٹل پہنچنے پر صحافیوں سے مختصر گفتگو میں محسن نقوی نے کہا کہ ٹیم اچھی فارم میں ہے اور تیاری مکمل ہے۔ انہوں نے اعتماد کا اظہار کرتے ہوئے کہا کہ ’ہماری ٹیم اچھی فارم میں ہے اور انشاءاللہ اچھا ہوگا‘۔

واضح رہے کہ ٹی 20 ورلڈ کپ کے اس اہم میچ میں پاکستان اور بھارت کی ٹیمیں کولمبو میں آمنے سامنے ہوں گی جس کا شائقین کرکٹ بے صبری سے انتظار کر رہے ہیں۔

مزید پڑھیں: ٹی 20 ورلڈ کپ: بھارت کیخلاف پاکستان کی فتح کا چانس کتنے فیصد؟ سابق کرکٹرز نے بتا دیا؟

یاد رہے کہ دونوں ٹیموں نے ٹی 20 ورلڈ کپ میں اب تک 2،2 میچ کھیلے ہیں جن میں دونوں ناقابل شکست رہی ہیں۔