پنکی کون ہے اور اجے دیوگن کے لیے امتحان کیسے ثابت ہوسکتی ہے؟

اکثر کہا جاتا ہے کہ اس دنیا میں ہر انسان کے 7 ہم شکل ہوتے ہیں اب یہ تو پتا نہیں کہ یہ بات کس حد تک درست ہے لیکن بالی ووڈ میں کئی ایسے اداکار ہیں جن کے ہم شکل خاصے مشہور ہیں۔

بھارتی میڈیا کے مطابق سلمان خان اور شاہ رخ خان جیسے ستاروں کے کئی ہم شکل بھی مل جاتے ہیں جو ان کی نقل اتارتے ہوئے اکثر ویڈیوز پوسٹ کرتے رہتے ہیں۔

سہانا خان، ایشوریہ رائے اور انوشکا شرما کی ہم شکل کے بارے میں بھی لوگوں نے سنا ہی ہے لیکن اب اداکارہ کاجول کی ہمشکل بھی سامنے آگئی ہیں۔

ان دنوں سوشل میڈیا پر بھارتی اداکارہ کاجول کی ایک ہمشکل چھائی ہوئی ہیں جو نہ صرف کاجول کی طرح نظر آتی ہیں بلکہ ان کی بخوبی نقل بھی کرلیتی ہیں۔

کاجول کی طرح نظر آنے والی اس لڑکی کا نام نشا ساہا پنکی ہے۔ نشا ایک سوشل میڈیا انفلوئنسر ہیں اور سوشل میڈیا پر ان کی کافی زیادہ فین فالوئنگ بھی ہے۔ وہ نہ صرف کاجول کی طرح نظر آتی ہیں بلکہ ساتھ ہی وہ اداکارہ کی کافی اچھی نقل بھی کرلیتی ہیں۔

نشا کاجول کی 90 کی دہائی کی فلموں کے ہیئر اسٹائل اور ڈریس کو بھی کاپی کرتی ہیں۔ نشا نے کاجول کے کئی مشہور گانوں پر ڈانس ویڈیوز بھی شیئر کی ہیں جنہیں دیکھ کر اصلی اور نقلی کا فرق معلوم کرپانا کافی مشکل ہے۔

نشا نے کاجول کی فلم ‘کچھ کچھ ہوتا ہے’ کے گانوں پر رقص کی ویڈیوز بھی شیئر کی ہیں جنہیں سوشل میڈیا پر خاصی پذیرائی حاصل ہوئی ہے۔

نشا کی اداکاری اور ڈانس دونوں ہی کمال کے ہیں۔ ان کی ویڈیوز کو دیکھ کر اور عین ممکن ہے کہ انہیں اپنے سامنے پاکر کسی روز کاجول کے شوہر اجے دیوگن بھی کنفیوز ہوجائیں۔