ٹی20 ورلڈ کپ 2026 کے 34ویں میچ میں جنوبی افریقہ نے متحدہ عرب امارات کو 6 وکٹوں سے شکست دے کر اپنی جیت کا تسلسل برقرار رکھا ہے۔
یہ بھی پڑھیں: ٹی20 ورلڈ کپ: صاحبزادہ فرحان سینچری بنانے والے دوسرے پاکستانی، 2 اور ریکارڈ بھی بنا لیے
متحدہ عرب امارات نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 122 رنز بنائے۔ علی شان شرافو نے سب سے زیادہ 45 رنز بنائے جبکہ محمد وسیم نے 12 گیندوں پر 22 اور آرینش شرما نے 13 رنز کا اضافہ کیا۔
جنوبی افریقہ کی جانب سے کاربن بوش نے 4 اوورز میں 3 وکٹیں لے کر 12 رنز دیے۔ اینریچ نورٹے نے 2 وکٹیں حاصل کیں اور جارج لینڈے نے ایک وکٹ حاصل کی۔
یہ بھی پڑھیں: بھارت سے شکست: پاکستان کو سپر ایٹ مرحلے میں جانے کے لیے نمیبیا کے خلاف میچ جیتنا ہوگا
جواب میں جنوبی افریقہ نے 123 رنز کا ہدف 13.2 اوورز میں 4 وکٹوں کے نقصان پر حاصل کر لیا۔ کپتان ایڈن مارکرم نے 11 گیندوں پر 28 رنز بنائے، جن میں 5 چوکے اور ایک چھکا شامل تھا۔ رائین رِیکلٹن نے 16 گیندوں پر 30 اور ڈیووالڈ بریوس نے 25 گیندوں پر 36 رنز بنائے۔
جنوبی افریقہ نے ہدف 40 گیندیں قبل حاصل کرلیا۔
متحدہ عرب امارات کی جانب سے حیدر علی، محمد جواد، محمد عرفان اور محمد فاروق نے ایک ایک وکٹ حاصل کی۔
