ٹی20 ورلڈکپ کے گروپ مرحلے کے اہم میچ میں صاحبزادہ فرحان نے نمیبیا کے خلاف ناقابل شکست 100 رنز کی شاندار اننگز کھیلی، جس کے ساتھ ہی وہ ٹی20 ورلڈکپ میں سینچری بنانے والے دوسرے پاکستانی بیٹر بن گئے۔
یہ صاحبزادہ فرحان کی پہلی ٹی20 انٹرنیشنل سینچری بھی ہے۔ اس سے قبل احمد شہزاد نے 2014 کے ٹی20 ورلڈکپ میں بنگلہ دیش کے خلاف سینچری اسکور کی تھی۔
مزید پڑھیں: ٹی 20 ورلڈ کپ: تاریخ خود کو دہراتی ہے تو پاکستان کا چانس ’پکا‘ سمجھیں، جانیے کیسے؟
رواں ایونٹ میں یہ مجموعی طور پر تیسری سینچری ہے، اور اس سے پہلے ٹی20 ورلڈکپ کے کسی بھی ایڈیشن میں 2 سے زیادہ سینچریز نہیں بنی تھیں۔
اس ٹورنامنٹ میں سری لنکا کے پتھم نسانکا نے آسٹریلیا کے خلاف جبکہ کینیڈا کے یووراج سامرہ نے نیوزی لینڈ کے خلاف سینچریاں اسکور کی ہیں۔
واضح رہے کہ صاحبزادہ فرحان نے آج کے میچ میں 58 گیندوں پر 11 چوکوں اور 4 چھکوں کی مدد سے ناقابل شکست 100 رنز اسکور کیے۔
اسی شاندار سنچری کے ساتھ وہ ٹی20 ورلڈکپ 2026 میں سب سے زیادہ رنز بنانے والے بلے باز بن گئے۔
اس کے علاوہ، صاحبزادہ فرحان ٹی20 ورلڈکپ 2026 میں سب سے زیادہ چھکے مارنے والے بلے باز بھی بن گئے، جنہوں نے 4 اننگز میں مجموعی طور پر 11 چھکے لگائے۔
مزید پڑھیں: آسٹریلیا اور آئر لینڈ ٹی20 ورلڈ کپ سے باہر، زمبابوے کی سپر ایٹ مرحلے میں رسائی
دوسرے نمبر پر بھارت کے ایشان کشن ہیں، جنہوں نے 4 میچز میں 10 چھکے مار کر اپنی پوزیشن بنائی ہے۔
