سردار محمد یوسف کی زیر صدارت حج انتظامات کا جائزہ اجلاس منعقد ہوا جس میں آئندہ حج کے انتظامی امور پر تفصیلی غور کیا گیا۔
اجلاس میں وفاقی سیکرiٹری مذہبی امور ڈاکٹر ساجد محمود چوہان، ڈی جی حج عبدالوھاب سومرو اور حج ونگ کے افسران نے بریفنگ دی۔
وفاقی وزیر مذہبی امور نے ہدایت کی کہ حجاج کرام کے لیے پاکستان اور سعودی عرب میں مثالی انتظامات کو یقینی بنایا جائے۔ انہوں نے زور دیا کہ حجاج کرام اور خدام الحجاج اپنے مثبت طرزِ عمل سے ملکی وقار میں اضافہ کریں اور خدمتِ حجاج میں کوئی کسر نہ چھوڑی جائے۔
مزید پڑھیں: وزارت مذہبی امور نے عازمین حج کے لیے بائیو میٹرک کی ڈیڈ لائن دیدی
اجلاس کو بتایا گیا کہ عازمینِ حج اور خدام الحجاج کی لازمی تربیت کا پہلا مرحلہ مکمل کرلیا گیا ہے۔ ملک کے 107 شہروں میں 183 تربیتی ورکشاپس کے ذریعے عازمین کو مناسکِ حج اور انتظامی امور سے متعلق آگاہی فراہم کی گئی۔
وفاقی وزیر مذہبی امور سردار محمد یوسف کی زیر صدارت حج انتظامات کا جائزہ اجلاس
وفاقی سیکرٹری مذہبی امور ڈاکٹر ساجد محمود چوہان، ڈی جی حج عبدالوہاب سومرو، حج ونگ افسران کی بریفنگ
حجاج کرام کے لیے پاکستان اور سعودی عرب میں مثالی انتظامات کیے جائیں: سردار محمد یوسف@AmirSaeedAbbasi pic.twitter.com/98GLnH9cgP— Media Talk (@mediatalk922) February 19, 2026
وفاقی سیکرiٹری مذہبی امور نے بتایا کہ ایک روزہ حج تربیت کا دوسرا مرحلہ عیدالفطر کے فوری بعد شروع کیا جائے گا۔ امسال عازمینِ حج کو ویکسین کی فراہمی، فضائی ٹکٹوں اور ویزوں کے اجرا کا عمل بھی جلد شروع کردیا جائے گا۔
مزید پڑھیں: عازمین حج کو معیاری سہولیات فراہم کی جائیں گی، وزیر مذہبی امور سردار یوسف، خدام الحجاج میں سرٹیفکیٹس تقسیم
بریفنگ میں بتایا گیا کہ عازمین حج کی رہائش گاہوں، ٹرانسپورٹ، منیٰ کے خیموں اور خوراک کے انتظامات حتمی مراحل میں داخل ہو چکے ہیں، جبکہ مکہ مکرمہ اور مدینہ منورہ میں رہائش گاہیں گزشتہ سال کی نسبت بہتر حاصل کی گئی ہیں۔
وفاقی وزیر نے ہدایت کی کہ منیٰ، عرفات کے مکاتب اور مشاعر کے انتظامات بروقت مکمل کیے جائیں اور حجاج کرام کو قدم بہ قدم سہولیات کی فراہمی یقینی بنائی جائے۔
