عمران خان کو اینٹی وی ای جی ایف کا دوسرا انجیکشن بھی لگا دیا گیا، پمز نے تصدیق کردی

سابق وزیراعظم اور بانی چیئرمین پاکستان تحریک انصاف عمران خان  کو اینٹی وی ای جی ایف کا دوسرا انجیکشن بھی لگا دیا گیا۔ پمز نے باقاعدہ طور پر اس کی تصدیق کردی۔

پمز اسپتال کی طرف سے جاری کردہ پریس ریلیز کے مطابق سابق وزیراعظم عمران خان کو آنکھوں کے فالو اَپ علاج کے لیے 24 فروری 2026 کو پاکستان انسٹی ٹیوٹ آف میڈیکل سائنسز (پمز) منتقل کیا گیا جہاں انہیں اینٹی وی ای جی ایف (Anti-VEGF) کا دوسرا انٹرا وٹریل انجیکشن بھی لگا دیا گیا۔

ماہر ڈاکٹروں کے بورڈ کا معائنہ

علاج  سے پہلے عمران خان کا معائنہ ماہر ڈاکٹروں کے بورڈ نے کیا، جس میں ماہر امراضِ قلب اور کنسلٹنٹ فزیشن شامل تھے۔

یہ بھی پڑھیے بانی پی ٹی آئی عمران خان کی بینائی میں بہتری آگئی، بیرسٹر گوہر کا اقرار

کارڈیالوجسٹ نے عمران خان کی ایکوکارڈیوگرافی (Echocardiography) اور ای سی جی (ECG) بھی کی، جن کے نتائج نارمل آئے۔
ڈاکٹروں کے مطابق سابق وزیراعظم طبی طور پر مستحکم پائے گئے۔

آپریشن تھیٹر میں احتیاطی تدابیر کے ساتھ انجیکشن

پریس ریلیز کے مطابق آج علاج سے عمران خان کی باقاعدہ رضامندی حاصل کی گئی جس کے بعد انہیں معیاری مانیٹرنگ اور حفاظتی پروٹوکول کے تحت آپریشن تھیٹر میں لایا گیا اور انجیکشن لگایا گیا۔

یہ انجیکشن کنسلٹنٹ ماہر امراضِ چشم، کنسلٹنٹ وٹریو ریٹینل سرجن کی نگرانی میں لگایا گیا، جن کا تعلق پمز اور الشفا ٹرسٹ آئی اسپتال سے تھا۔ سے ہے۔

یہ بھی پڑھیے عمران خان کو 25 فروری کو دوبارہ اسپتال منتقل کیا جائے گا، ڈاکٹر طارق فضل

پریس ریلیز کے مطابق یہ ایک ڈے کیئر سرجری تھی، یعنی سابق وزیراعظم کو اسی روز فارغ کر دیا گیا۔

ڈاکٹرز کے مطابق  عمران خان کی حالت علاج سے پہلے، دورانِ علاج اور بعد میں مکمل طور پر مستحکم رہی۔ انہیں ضروری ہدایات، فالو اَپ شیڈول اور طبی دستاویزات کے ساتھ ڈسچارج کر دیا گیا۔

واضح رہے کہ عمران خان اس وقت اڈیالہ جیل راولپنڈی میں قید ہیں اور انہیں آنکھوں کے جاری علاج کے سلسلے میں اسپتال لایا گیا تھا۔