پاکستان سے تعلق رکھنے والے جڑے ہوئے جڑواں بچے، سفیان اور یوسف، پیر کے روز علیحدگی کے ممکنہ آپریشن کے جائزے کے لیے سعودی عرب پہنچ گئے۔ انہیں کنگ خالد انٹرنیشنل ایئرپورٹ ریاض سے براہِ راست کنگ عبداللہ اسپیشلائزڈ چلڈرن ہاسپیٹل منتقل کیا گیا، جہاں ان کی طبی حالت کا تفصیلی معائنہ کیا جائے گا۔
مزید پڑھیں: کانگو میں نایاب پہاڑی گوریلا کے ہاں جڑواں بچوں کی پیدائش، تحفظ کے لیے نگرانی جاری
یہ اقدام سلمان بن عبدالعزیز آل سعود اور محمد بن سلمان کی خصوصی ہدایات پر عمل میں لایا گیا۔ بچوں کے اہلخانہ نے سعودی قیادت اور عوام کا پرتپاک استقبال اور فوری تعاون پر دلی شکریہ ادا کیا، جیسا کہ سعودی پریس ایجنسی نے رپورٹ کیا۔
مزید پڑھیں: کینیڈا میں دنیا کے سب سے پریمیچور جڑواں بچوں کی پیدائش ، گنیز بک میں نام شامل
سعودی جڑواں بچوں کے پروگرام کے سربراہ ڈاکٹر عبداللہ الربیعہ نے بھی اس انسان دوست اقدام پر قیادت کا شکریہ ادا کیا۔ سعودی ٹیم جڑے ہوئے بچوں کی علیحدگی کے پیچیدہ آپریشنز میں عالمی شہرت رکھتی ہے، جس کی بدولت مملکت اس میدان میں عالمی رہنما اور متاثرہ خاندانوں کے لیے امید کی کرن بن چکی ہے۔
