پاکستان سپر لیگ (پی ایس ایل) سیزن 11 کا ابتدائی شیڈول تیار کر لیا گیا ہے جس کی تصاویر سوشل میڈیا پر گردش کر رہی ہیں۔ وائرل تصاویر کے مطابق افتتاحی میچ 26 مارچ کو لاہور قلندرز اور حیدرآباد کے درمیان ہوگا جبکہ فائنل میچ 10 مئی کو لاہور میں ہونے کا امکان ہے۔
اس سیزن کے میچز پاکستان کے 6 شہروں میں شیڈول کیے گئے ہیں جن میں کراچی، لاہور، راولپنڈی، ملتان، فیصل آباد اور پشاور شامل ہیں۔ قابل ذکر ہے کہ پہلی بار پی ایس ایل کے میچز پشاور میں بھی ہوں گے۔
So Two PSL Matches will be played in Peshawar ❤️👍
PSL tentative schedule shared with franchises by Management
Opening ceremony will be held in Lahore #PSL2026 pic.twitter.com/fg0zkRM7pm
— Qadir Khawaja (@iamqadirkhawaja) February 24, 2026
شیڈول کے مطابق لاہور میں سب سے زیادہ 12 میچز ہوں گے۔ راولپنڈی میں 10، فیصل آباد میں 7، کراچی میں 6، ملتان میں 5 اور پشاور میں 2 میچز شیڈول کیے گئے ہیں۔
واضح رہے کہ رواں سال پی ایس ایل میں 8 ٹیمیں حصہ لیں گی جن میں حیدرآباد اور سیالکوٹ کی نئی ٹیمیں شامل ہیں جبکہ ملتان سلطانز کی جگہ پنڈیز ٹیم شامل ہوگی۔
