گوگل ڈیپ مائنڈ کے سربراہ سر ڈیمس حسابس کا کہنا ہے اگلے 10 برسوں میں اے آئی تخلیقی صلاحیتوں کے حوالے سے ایک سپر پاور بن جائے گی۔
یہ بھی پڑھیں: مصنوعی ذہانت کے لیے درکار پانی کی مقدار بڑھا چڑھا کر بتائی جاتی ہے، سیم آلٹ مین
بی بی سی کو انٹرویو دیتے ہوئے سال 2024 میں کیمسٹری کا نوبیل انعام جیتنے والے سر ڈیمس نے کہا کہ مصنوعی ذہانت سے پیدا ہونے والے خطرات پر مزید تحقیق فوری طور پر کرنے کی ضرورت ہے۔انہوں نے کہا کہ صنعت کو ٹیکنالوجی سے جڑے حقیقی خطرات کے لیے سمجھدارانہ ضابطہ بندی درکار ہے۔
بڑے خطرات کیا ہیں؟
سر ڈیمس کے مطابق خود مختار نظاموں کے بڑھتے ہوئے استعمال کے ساتھ مضبوط حفاظتی اقدامات بنانا ضروری ہے۔
انہوں نے کہا کہ بڑے خطرات میں ٹیکنالوجی کا غلط عناصر کے ہاتھوں استعمال اور نظاموں کے زیادہ طاقتور ہونے کے ساتھ ان پر کنٹرول کھونے کا خدشات شامل ہیں۔
مزید پڑھیے: پالتو جانوروں کو گھر پر اکیلا چھوڑنا دشوار، مصنوعی ذہانت نے یہ مشکل بھی حل کردی
جب ان سے پوچھا گیا کہ کیا وہ ترقی کی رفتار سست کر سکتے ہیں تاکہ ماہرین کو مسائل حل کرنے کے لیے وقت مل سکے تو انہوں نے کہا کہ ان کی کمپنی کا اہم کردار ضرور ہے مگر وہ اس نظام کا صرف ایک حصہ ہیں۔
انہوں نے تسلیم کیا کہ تیز رفتار ترقی کے ساتھ قدم ملا کر چلنا ضابطہ ساز اداروں کے لیے سب سے بڑا چیلنج ہے۔
چین کے ساتھ دوڑ
سر ڈیمس کا کہنا ہے کہ اے آئی میں برتری کی دوڑ میں امریکا اور مغرب چین سے کچھ حد تک آگے ہیں لیکن یہ فرق شاید چند ماہ میں ختم ہو سکتا ہے۔
انہوں نے کہا کہ وہ دنیا میں اے آئی نظام متعارف کرواتے وقت جرأت مندی اور ذمہ داری کے درمیان توازن قائم رکھنے کی کوشش کرتے ہیں۔
مزید پڑھیں: مصنوعی ذہانت سے ریسرچرز کی جاب کو سب سے زیادہ خطرہ، حیران کن دعویٰ
انہوں نے کہا کہ ہم ہمیشہ درست فیصلے نہیں کرتے لیکن زیادہ تر معاملات میں ہم بہتر کارکردگی دکھاتے ہیں۔
سائنسی تعلیم کی اہمیت
انہوں نے زور دیا کہ سائنس، ٹیکنالوجی، انجینیئرنگ اور ریاضی کی تعلیم اب بھی بے حد اہم ہے۔
ان کے مطابق تکنیکی پس منظر رکھنے والے افراد کو اے آئی نظام استعمال کرنے میں برتری حاصل ہوگی۔
یہ بھی پڑھیے: مصنوعی ذہانت کا استعمال، ملازمین پر نئے نفسیاتی دباؤ کا خدشہ
ان کا کہنا تھا کہ اے آئی کے ذریعے کوڈ لکھنے کی صلاحیت زیادہ لوگوں کو نئی ایپلی کیشنز بنانے کے قابل بنائے گی اور مستقبل میں اصل اہمیت ذوق، تخلیقی صلاحیت اور درست فیصلے کرنے کی ہوگی۔
