بالی ووڈ کی معروف اداکارہ کرینہ کپور نے شادی کے بعد ماہِ رمضان میں روزے رکھنے سے متعلق زیرِ گردش قیاس آرائیوں پر وضاحت کر دی ہے۔
سوشل میڈیا پر یہ سوال زیرِ بحث تھا کہ آیا کرینہ کپور خان رمضان کے مہینے میں روزے رکھتی ہیں یا نہیں۔ اسی سلسلے میں اداکارہ کی ایک پرانی ویڈیو دوبارہ منظرِ عام پر آئی ہے جس میں وہ واضح طور پر کہتی سنائی دیتی ہیں کہ وہ روزہ نہیں رکھتیں۔
یہ بھی پڑھیں: کیا کرینہ کپور اور سیف علی خان میں بات طلاق تک پہنچ گئی؟
ویڈیو میں ایک رپورٹر کے سوال پر کرینہ کپور خان نے کہا ’نہیں، میں تو 24 گھنٹے کھاتی رہتی ہوں۔ نہیں، بالکل نہیں۔ میں نے اپنی زندگی میں کبھی ایسا نہیں کیا‘۔
View this post on Instagram
یاد رہے کہ کرینہ کپور خان کی شادی اداکار سیف علی خان سے ہوئی تھی جسے بین المذاہب ہونے کی وجہ سے سوشل اور روایتی میڈیا میں خصوصی توجہ حاصل رہی۔ بعض حلقوں کی جانب سے اس شادی پر تنقید بھی کی گئی تھی۔
سیف علی خان نے ایک انٹرویو میں کرینہ کپور خان کو غیر معمولی شخصیت قرار دیتے ہوئے کہا کہ وہ خود کو خوش قسمت سمجھتے ہیں کہ کرینہ ان کی زندگی کا حصہ ہیں کیونکہ وہ نہایت صابر اور محبت کرنے والی انسان ہیں۔
یہ بھی پڑھیں: ’کرینہ کپور میری بیوی رہ چکی‘، مفتی قوی کا حیران کن دعویٰ
ان کے مطابق کرینہ نہ صرف ایک باصلاحیت اداکارہ ہیں بلکہ گھر اور خاندان کے معاملات میں بھی تخلیقی اور ذمہ دارانہ کردار ادا کرتی ہیں اور ان کی خوشی ہمیشہ ان کی اولین ترجیح رہی ہے۔
واضح رہے کہ سیف علی خان اور کرینہ کپور خان کی ملاقات 2008 کی فلم ’ٹشن‘ کے سیٹ پر ہوئی تھی۔ دونوں نے کچھ عرصہ ڈیٹنگ کے بعد 16 اکتوبر 2012 کو شادی کر لی۔ اس جوڑے کے دو بیٹے ہیں۔
