حکومت پاکستان نے سیکیورٹی وجوہات کی بنا پر ملک بھر میں ڈرون اڑانے پر مکمل پابندی عائد کر دی۔
یہ بھی پڑھیں: خیبرپختونخوا: خوارج دہشتگردوں کے چھوٹے ڈرون حملے ناکام، کوئی جانی نقصان نہیں ہوا
اسلام آباد سے جاری اعلامیے کے مطابق وزارت داخلہ نے واضح کیا ہے کہ ملک میں کسی بھی قسم کے کمرشل یا نجی (پرائیویٹ) ڈرون کے استعمال اور پرواز کی اجازت نہیں ہو گی۔
اعلامیے میں کہا گیا ہے کہ پابندی کا اطلاق فوری طور پر ہوگا اور متعلقہ اداروں کو ہدایات جاری کر دی گئی ہیں تاکہ اس فیصلے پر مؤثر عملدرآمد یقینی بنایا جا سکے۔
حکام کے مطابق خلاف ورزی کی صورت میں قانونی کارروائی عمل میں لائی جائے گی۔
