مکہ مکرمہ کی جنرل ڈائریکٹوریٹ آف ایجوکیشن نے مسجد الحرام میں ترجمے کا منصوبہ شروع کیا ہے تاکہ حاجیوں اور زائرین کو بہتر رہنمائی اور خدمات فراہم کی جا سکیں۔
اس منصوبے کے تحت تعلیمی شعبے سے تعلق رکھنے والے رضاکار 12 زبانوں میں معاونت فراہم کر رہے ہیں، جس سے زائرین کے لیے رابطے میں آسانی، سوالات کے جوابات اور مختلف امور کی انجام دہی میں سہولت پیدا ہوتی ہے۔
یہ بھی پڑھیے: مکہ مکرمہ میں شہری ترقی کے حالیہ اقدامات نے معیار زندگی مزید بہتر بنادیا
اس منصوبے کا مقصد طلبا اور عملے میں سماجی ذمہ داری اور رضاکارانہ خدمات کے جذبے کو فروغ دینا ہے، اور ساتھ ہی حجاج کرام کو فراہم کی جانے والی خدمات کے معیار کو بہتر بنانا ہے، جو کہ سعودی وژن 2030 کے اہداف کے مطابق ہے۔
مکہ مکرمہ میں ہر سال رمضان المبارک کے مقدس مہینے کے دوران رضاکار خود کو حاجیوں کی خدمت کے لیے وقف کر دیتے ہیں۔
ان میں ڈاکٹرز، یونیورسٹی کے پروفیسرز، اساتذہ، طلبا اور مختلف شعبوں سے تعلق رکھنے والے افراد شامل ہیں، جو سب حاجیوں کو آرام، دیکھ بھال اور اطمینان فراہم کرنے کے ایک مشترکہ مقصد سے سرشار ہیں۔
