ایران نے امریکا اور اسرائیل کے خلاف اپنی جوابی کارروائی کو’آپریشن وعدہ صادق 4‘ کا نام دیا ہے۔
ایرانی پاسداران انقلاب نے اعلان کیا ہے کہ انہوں نے خطے میں موجود متعدد امریکی فوجی اڈوں کو نشانہ بنایا، جن میں بحرین میں تعینات امریکی بحریہ کا ففتھ فلیٹ بھی شامل ہے۔
ایرانی سرکاری ذرائع کے مطابق پاسداران انقلاب نے بحرین، قطر اور متحدہ عرب امارات کے ساتھ ساتھ مقبوضہ فلسطینی علاقوں میں اسرائیل کے مرکزی فوجی اڈوں پر بھی حملے کیے ہیں۔
ان کا کہنا ہے کہ یہ آپریشن امریکی فوج اور اسرائیلی حکومت کے خلاف کیا جا رہا ہے، اور اس کے تحت جارح دشمن کے مختلف علاقائی اہداف کو نشانہ بنایا گیا۔
پاسداران انقلاب نے مزید اعلان کیا ہے کہ ایران کی مسلح افواج کے میزائل اور ڈرون حملے جاری رہیں گے، اور دفاعی کارروائیاں تسلسل کے ساتھ انجام پاتی رہیں گی۔
