امریکا اور اسرائیل کے ایران پر حملوں کے بعد پاکستانی شہریوں کی ایران سے وطن واپسی کا عمل شروع ہو گیا ہے۔
ڈپٹی کمشنر گوادر نقیب اللہ کاکڑ کے مطابق ایران میں پھنسے ہوئے 5 طلبہ سمیت کل 51 پاکستانی شہری گبد ریمدان سرحد عبور کرکے محفوظ طریقے سے وطن واپس پہنچ گئے ہیں۔ وطن واپس آنے والوں میں بزنس مین، سیاح اور طلبہ شامل ہیں۔
نقیب اللہ کاکڑ نے بتایا کہ سرحد پر ایف آئی اے کی جانب سے واپسی کرنے والوں کو 24 گھنٹے امیگریشن کی سہولت فراہم کی جا رہی ہے۔
انہوں نے بتایا کہ ضلعی انتظامیہ کی جانب سے انہیں رہائش، کھانے پینے اور سفری سہولیات بھی فراہم کی جا رہی ہیں تاکہ وطن واپسی کا عمل آسان اور محفوظ بنایا جا سکے۔
