صدر مملکت آصف علی زرداری نے ہندو برادری سے اپیل کی ہے کہ وہ ہولی کے جشن کو سادگی اور اعتدال کے ساتھ منائیں۔
اپنے ایک بیان میں صدر مملکت آصف زرداری نے کہاکہ موجودہ مغربی سرحدی صورتحال کے پیش نظر تقریبات کو محدود رکھنا ضروری ہے اور عوامی اجتماعات میں احتیاط برتنی چاہیے۔
انہوں نے اس موقع پر زور دیا کہ قومی یکجہتی، سلامتی اور سیکیورٹی حالات کو ہمیشہ مدنظر رکھا جائے۔
صدرِ مملکت نے کہاکہ پاکستان اپنی مذہبی اور ثقافتی تنوع پر فخر کرتا ہے اور امید ظاہر کی کہ ہندو برادری امن اور یکجہتی کے ساتھ ہولی منائے گی۔
انہوں نے موجودہ حالات میں اعتدال، بردباری اور ذمہ داری کے اظہار پر بھی زور دیا، اور واضح کیاکہ ملک کی سلامتی اور قومی ہم آہنگی ہر چیز پر مقدم ہے۔
