سابق بین الاقوامی امپائر علیم ڈار نے پاکستان کی قومی سلیکشن کمیٹی سے استعفیٰ دے دیا ہے۔
یوں وہ ٹی20 ورلڈ کپ 2026 میں ٹیم کی مایوس کن کارکردگی کے بعد مستعفی ہونے والے پہلے رکن بن گئے ہیں۔
یہ بھی پڑھیں: صاحبزادہ فرحان کی سینچری رائیگاں، پاکستان کا ٹی20 ورلڈ کپ کے سیمی فائنل میں رسائی کا خواب چکنا چور ہوگیا
ذرائع کے مطابق علیم ڈار نے قومی ٹیم کے گرتے ہوئے نتائج پر تشویش کا اظہار کرتے ہوئے اپنا استعفیٰ جمع کرادیا ہے۔
ان کی رخصتی کو سلیکشن سیٹ اپ میں پہلی بڑی تبدیلی قرار دیا جا رہا ہے۔
*_🚨 BREAKING NEWS 🚨_*
*_The first resignation has come from the selection committee. Aleem Dar has resigned from his position as a member of the selection committee…👀_*
*_#cricket_* pic.twitter.com/kl8Rupbjxv
— Fatima (@Fatima7223) March 2, 2026
یہ پیش رفت ٹیم مینجمنٹ اور سلیکٹرز پر بڑھتے ہوئے دباؤ کی عکاسی کرتی ہے کہ جس کے تحت آئی سی سی ایونٹس میں مسلسل ناکامیوں پر احتساب کا مطالبہ کیا جارہا ہے۔
پاکستان کی ٹی20 ورلڈ کپ مہم ٹیم کی حکمتِ عملی، قیادت اور تیاری کے حوالے سے شدید تنقید کے ساتھ اختتام پذیر ہوچکی ہے۔
مزید پڑھیں: ٹی20 ورلڈ کپ سے اخراج مہنگا پڑگیا، پاکستانی کھلاڑیوں پر 50 لاکھ جرمانہ
تاحال علیم ڈار کے متبادل یا کمیٹی میں مزید تبدیلیوں کے بارے میں کوئی باضابطہ اعلان سامنے نہیں آیا۔
تاہم ان کے استعفے کے بعد پاکستان کرکٹ بورڈ میں احتساب، سلیکشن پالیسی اور ٹیم کی آئندہ سمت کے حوالے سے وسیع تر بحث متوقع ہے۔
