قومی اسمبلی کی ایڈوائزری کمیٹی کا اجلاس اسپیکر قومی اسمبلی سردار ایاز صادق کی صدارت میں منعقد ہوا۔
اجلاس میں قومی اسمبلی کے 25ویں اجلاس کے ایجنڈے اور دورانیے پر تفصیلی تبادلۂ خیال کیا گیا۔ کمیٹی نے فیصلہ کیا کہ قومی اسمبلی کا موجودہ اجلاس 13 مارچ 2026ء بروز جمعہ تک جاری رکھا جائے گا۔
مزید پڑھیں: کراچی: شرپسندی کے بجائے تحمل، ذمہ داری اور قومی استحکام وقت کی ضرورت
اجلاس کے دوران یہ بھی طے پایا کہ موجودہ اجلاس میں خطے کی حالیہ صورتِ حال پر تفصیلی بحث کی جائے گی۔
اجلاس میں ڈپٹی اسپیکر قومی اسمبلی سید غلام مصطفیٰ شاہ سمیت وفاقی وزرا ڈاکٹر طارق فضل چوہدری، اعظم نذیر تارڑ اور خالد حسین مگسی نے شرکت کی۔
اس کے علاوہ اجلاس میں اراکین قومی اسمبلی شیخ آفتاب احمد، سید نوید قمر، نزہت صادق، سیدہ شہلا رضا، سید امین الحق، شازیہ مری، پھولین بلوچ، گل اصغر خان، اعجاز حسین جکھرانی اور نور عالم خان نے بھی شرکت کی۔
