امیر جمعیت علما اسلام (جے یو آئی) مولانا فضل الرحمان نے ایرانی سفارتخانے کا دورہ کیا جہاں انہوں نے ایرانی سفیر رضا امیری مقدم سے ملاقات کی۔
مولانا فضل الرحمان نے ایرانی سپریم لیڈر آیت اللہ علی خامنہ ای کی شہادت پر دکھ اور افسوس کا اظہار کیا اور تعزیتی کتاب میں اپنے تاثرات قلمبند کیے۔
Islamabad:Chief Maulana Fazl ur Rehman Visits Iranian Embassy
JUI Chief Maulana Fazl ur Rehman met with Iranian Ambassador Reza Amiri Moghadam at the Iranian Embassy and expressed deep sorrow and grief over the martyrdom of Iranian Supreme Leader Ayatollah Ali Khamenei. pic.twitter.com/KUiV8MNktq
— Jamiat Ulama-e-Islam Pakistan (@juipakofficial) March 3, 2026
اس موقع پر انہوں نے ایران پر امریکی صہیونی جارحیت کی شدید مذمت کرتے ہوئے کہا کہ صیہونیت اور یورپ گٹھ جوڑ نے پہلے فلسطین پر قبضہ کیا اور اب بھی وہاں شدید تناؤ اور لمبی جنگ سے گزر رہے ہیں۔
انہوں نے کہا کہ حماس کی مضبوط حمایت پر ایران کے خلاف جنگ کی دوسری قسط شروع کی گئی اور بیہودہ قسم کے الزامات لگا کر ان حملوں کا جواز پیش کیا جا رہا ہے۔
مولانا فضل الرحمان کا کہنا تھا کہ ایران اس وقت صرف اپنا نہیں بلکہ فلسطین کا بھی دفاع کررہا ہے۔
انہوں نے کہا کہ عالم اسلام کو باہمی اتحاد کی ضرورت ہے اور مشکل وقت میں ایران کے شانہ بشانہ ہیں۔ امت مسلمہ باہم دست و گریباں ہونے کی بجائے صیہونیت کا مقابلہ کرے۔
انہوں نے کہاکہ امریکہ انسانیت کا دشمن ہے، انسانی قتل اور مجرم کی سربراہی میں قیام امن کی کوششیں امن کے نام پر دھبہ ہیں۔ ہمارے حکمرانوں کی ٹرمپ جیسے قاتل سے امن کی امید رکھنا سوالیہ نشان ہے۔
اس موقع پر ایرانی سفیر رضا امیری مقدم نے پاک ایران تعلقات پر مولانا فضل الرحمان اور جے یو آئی کے کردار کو سراہتے ہوئے کہا کہ فتح عالم اسلام کی ہوگی اور آپ کی آمد ہمارے لیے اطمینان کا باعث ہے۔
