امریکی صدر ڈونلڈ ٹرمپ نے دعویٰ کیا ہے کہ ایران مذاکرات کے لیے تیار ہے، لیکن انہوں نے کہا کہ اب بہت دیر ہو چکی ہے۔
مزید پڑھیں: ایران کے خلاف فوجی آپریشن غیرمعمولی تیزی سے مکمل ہوا، اب معاہدہ ممکن نہیں، ڈونلڈ ٹرمپ
صدر ٹرمپ نے سوشل میڈیا پر اپنے بیان میں کہاکہ ایران کی فضائیہ، بحریہ، فضائی دفاع اور قیادت قریباً ختم ہو چکی ہے اور اگرچہ ایران بات کرنا چاہتا تھا، مگر میں نے کہا کہ اب یہ موقع ضائع ہو چکا ہے۔
انہوں نے مزید کہا کہ موجودہ فوجی کارروائی ایران کے خلاف محض ابتدا ہے اور ایک بڑی لہر ابھی باقی ہے، اس حملے میں ایران کے 49 رہنما ہلاک ہوئے ہیں۔
امریکی میڈیا نے دعویٰ کیاکہ ڈونلڈ ٹرمپ ایران کی قیادت کے خاتمے کی کوشش کر رہے ہیں، تاہم اس کے بعد کسی واضح منصوبے کا ذکر نہیں کیا گیا۔
واضح رہے کہ امریکا اور اسرائیل نے ایران پر اچانک حملہ کیا اور اس دوران ایرانی سپریم لیڈر آیت اللہ علی خامنہ ای شہید ہو گئے۔
مزید پڑھیں: حزب اللہ کے انٹیلی جنس شعبے کے سربراہ حسین مقلد کو شہید کردیا، اسرائیل کا دعویٰ
حملوں میں ایران میں شہید ہونے والوں کی تعداد اب تک 750 سے تجاوز کر چکی ہے، جبکہ ایران کی جانب سے بھی میزائل حملوں سے جواب دیا جارہا ہے۔
