پاکستان ہاکی ٹیم نے مصر کے شہر اسماعیلہ میں جاری ورلڈ کپ کوالیفائر میں آسٹریا کو شکست دے کر اپنی کامیابیوں کی ہیٹ ٹریک مکمل کرلی۔
یہ بھی پڑھیں: پاکستان ہاکی فیڈریشن نے قومی کھیل کی بحالی کے لیے نئی ایڈہاک کمیٹی تشکیل دیدی
اس فتح کے ساتھ پاکستان ٹیم سیمی فائنل کے لیے کوالیفائی کرنے کے قریب پہنچ گئی ہے اور صرف ایک قدم دوری پر ورلڈ کپ کا ٹکٹ حاصل کرنے کا سنہری موقع موجود ہے۔
میچ میں پاکستان نے تیسرے کوارٹر تک 2-0 کی برتری حاصل کی جبکہ چوتھے کوارٹر میں مزید 2 گول اسکور کر کے 4-0 سے فتح حاصل کی۔ اس موقعے پر ابوبکر نے 2، اظفر اور سفیان خان نے ایک ایک گول کیا۔
پاکستان ٹیم جمعے کو سیمی فائنل میں اپنی صلاحیتوں کا امتحان دے گی۔ سیمی فائنل میں کامیابی پاکستان کو براہ راست ورلڈ کپ میں کھیلنے کا موقع فراہم کرے گی۔
مزید پڑھیے: قومی کھیل ہاکی کے تنظیمی نظام کو مؤثر بنانے کے لیے صدر پی ایچ ایف کے اہم فیصلے
یہ پاکستان کے لیے 8 سال بعد ورلڈ کپ میں کوالیفائی کرنے کا سنہری موقع ہے کیونکہ ٹیم نے آخری بار سنہ 2018 میں اس عالمی ٹورنامنٹ میں حصہ لیا تھا۔
