اداکارہ اور ماڈل صحیفہ جبار نے اپنے ریسٹورنٹ کے ورکرز کے لیے معیار کے حوالے سے واضح پیغام جاری کیا ہے۔ انہوں نے کہا کہ وہ ایسے افراد کی تلاش میں نہیں جو صرف ایک یا دو گھنٹے کے لیے کام کرنے آئیں اور پھر غائب ہو جائیں۔
صحیفہ نے کہا مجھے محنتی اور نیت والے لوگ چاہییں جو واقعی کام میں دل لگائیں نہ کہ صرف ویڈیو کے لیے دکھائی دیں۔
مجھے اپنے ہوٹل کے لیے زبان کے پکے پٹھان چاہیئیں، مجھے پنجابی اور اردو بولنے والوں پر بالکل اعتبار نہیں، شیفہ جبار pic.twitter.com/XfcDs8PJKR
— Zubair Ali Khan (@ZubairAlikhanUN) March 6, 2026
صحیفہ جبار نے اپنے ویڈیو پیغام میں مزید کہا کہ انہیں خصوصاً پٹھان لڑکے چاہییں کیونکہ وہ پنجابی یا اردو بولنے والوں پر اعتماد نہیں کرتیں۔ انہوں نے یہ بھی واضح کیا کہ ریسٹورنٹ کے کچن میں ہیلپرز کی ضرورت ہے اور صرف ویڈیوز کے چکر میں آنے والے لوگ ٹیم کا حصہ نہیں بن سکتے۔
اداکارہ کے مطابق ان کے پرانے 5 لوگ پہلے سے ٹیم کا حصہ ہیں لیکن نئے شامل ہونے والے اکثر غیر سنجیدہ رویہ رکھتے ہیں جس سے ان کا کام متاثر ہو رہا ہے۔
یہ بھی پڑھیں: ملازمہ کو خیرات دے کر تنقید کرنا اداکارہ صحیفہ جبار کو مہنگا پڑگیا
اداکارہ و ماڈل کی حالیہ ویڈیو پر صارفین شدید ردعمل ظاہر کر رہے ہیں۔ کئی صارفین کا کہنا ہے کہ صحیفہ جبار نے پنجابی اور اردو بولنے والی کمیونٹی کی توہین کی، اور بعض نے مطالبہ کیا کہ اس وجہ سے ان کا ریسٹورنٹ بند کیا جانا چاہیے۔
