پاکستانی اداکار عدنان صدیقی نے اپنے ساتھی فنکاروں نعمان اعجاز اور ہمایوں سعید کو شاندار الفاظ میں خراج تحسین پیش کرتے ہوئے انہیں لیجنڈ قرار دے دیا۔
یہ بھی پڑھیں: عدنان صدیقی: وہ چہرہ جو اسکرین کے پیچھے بھی روشنی بانٹتا ہے
عدنان صدیقی نے انسٹاگرام پر ایک جذباتی پیغام شیئر کیا جس میں انہوں نے دونوں اداکاروں کے ساتھ گزارے گئے پرانے دنوں کو یاد کیا۔ انہوں نے لکھا کہ لوگ اکثر پوچھتے ہیں کہ ماضی میں کام کرنے کا تجربہ کیسا تھا، اور حقیقت میں وہ وقت ایسا تھا جیسے چائے ٹھنڈی ہوجاتی مگر باتیں ختم نہ ہوتیں۔
انہوں نے بتایا کہ سیٹ پر تھکے ہوئے پہنچتے تھے مگر حوصلہ افزائی کے ساتھ واپس جاتے تھے۔ عدنان صدیقی کے مطابق جب نعمان اعجاز ماحول میں گھل مل جاتے تو فوراً پنجابی میں بات کرنے لگتے اور ایسے لطیفے سناتے جو ان کی سمجھ سے باہر ہوتے، لیکن ان کی ہنسی اتنی متعدی ہوتی کہ وہ بھی ہنستے ہنستے آنسو بہانے لگتے۔
View this post on Instagram
اداکار نے مزید لکھا کہ ہمایوں سعید سنجیدہ مناظر کو بھی مزاحیہ بنا دیتے تھے جس کی وجہ سے کئی بار منظر دوبارہ فلمانا پڑتا تھا۔
عدنان صدیقی نے اپنی پوسٹ کے ساتھ تینوں اداکاروں کی ایک پرانی تصویر بھی شیئر کی اور کہا کہ وہ خود کو خوش قسمت سمجھتے ہیں کہ انہیں ان لیجنڈ اداکاروں کے ساتھ کام کرنے کا موقع ملا۔ ان کے بقول انداز بدل سکتے ہیں مگر کرشمہ ہمیشہ قائم رہتا ہے۔
یہ بھی پڑھیں: ’یہ صرف کانٹینٹ ہے، محبت نہیں‘، نعمان اعجاز کا معاذ صفدر کا اہلیہ کو مہنگا تحفہ دینے پر تبصرہ
واضح رہے کہ عدنان صدیقی نے اپنے کیریئر کا آغاز 1992 میں ڈراما عروصا سے کیا تھا، ہمایوں سعید نے 1996 میں ڈراما فرار سے اداکاری شروع کی جبکہ نعمان اعجاز نے 1989 میں پی ٹی وی سے اپنے فن کا آغاز کیا۔
