اسلام آباد پولیس نے آئی جی کے احکامات پر وفاقی دارالحکومت کے مختلف علاقوں میں جرائم پیشہ عناصر اور غیر قانونی مقیم افراد کے خلاف بڑے پیمانے پر گرینڈ کومبنگ سرچ آپریشنز شروع کر دیے ہیں۔ یہ اقدامات شہریوں کے جان و مال کے تحفظ اور جرائم کی بیخ کنی کے لیے کیے جا رہے ہیں۔
یہ بھی پڑھیں:اسلام آباد پولیس اور ریسکیو اداروں کی بروقت کارروائی، خدمت مرکز میں لگی آگ پر قابو پالیا
پولیس کے ترجمان کے مطابق تھانہ لوہی بھیر، تھانہ رمنا، تھانہ آبپارہ، تھانہ کورال، تھانہ شہزاد ٹاؤن، تھانہ نون اور تھانہ سمبل کے علاقوں میں سرچ آپریشنز کیے گئے، جن کی نگرانی زونل ایس پیز کر رہے تھے۔ آپریشن میں لیڈیز پولیس بھی شامل رہی۔
سرچ آپریشن کے دوران 670 افراد اور 258 گھرانوں کی جانچ کی گئی جبکہ 55 دوکانوں اور 22 ہوٹلز کی بھی چھان بین کی گئی۔ 229 موٹر سائیکلوں اور 82 گاڑیوں کی چیکنگ کی گئی، جن میں سے 32 مشکوک افراد اور 31 موٹر سائیکلیں مزید جانچ کے لیے متعلقہ تھانوں منتقل کر دی گئیں۔
یہ بھی پڑھیں:اسلام آباد پولیس کی کارروائی، اندھے قتل کا ملزم گرفتار
آئی جی اسلام آباد نے شہریوں سے اپیل کی ہے کہ وہ پولیس کے ساتھ تعاون کریں اور کسی بھی مشکوک سرگرمی کی فوری اطلاع دیں، تاکہ وفاقی دارالحکومت میں جرائم کا مکمل خاتمہ اور شہریوں کا تحفظ یقینی بنایا جا سکے۔
