اسلام آباد میں موٹرسائیکلوں پر ایم ٹیگ لازمی قرار دیے جانے کے فیصلے کے بعد شہریوں کو پہلے ہی حصول میں مشکلات کا سامنا تھا، تاہم اب سوشل میڈیا پر موٹرسائیکل دھلوانے کے دوران ایم ٹیگ اترنے کی شکایات سامنے آ رہی ہیں۔
ایک صارف نے اپنی موٹرسائیکل کی تصویر شیئر کرتے ہوئے لکھا کہ واش کے بعد ایم ٹیگ اتر گیا 250 روپے بھی دیے ہوئے ہیں اب اس کا کیا حل ہے؟
موٹرسائیکل پر ایم ٹیگ لگا، واش کرائی تو پہلے ہی واش پر ایم ٹیگ اتر گیا، 250 روپے بھی دیے ہوئے، اب اس کا کیا حل ہے ؟؟؟ pic.twitter.com/r8FZK4HM30
— Ahmad Warraich (@ahmadwaraichh) March 8, 2026
سوشل میڈیا صارفین اس پر مختلف تبصرے کرتے نظر آ رہے ہیں۔ ثاقب بشیر نے کہا کہ اس کا حل ڈی سی اسلام آباد، ایکسائز اور اسلام آباد پولیس بتائے گی جنہوں نے ایسے معاملات کو دیکھے بغیر ہی سب کچھ شروع کر دیا۔
اس کا حل @dcislamabad بتائیں گے اسلام آباد ایکسائز والے بتائیں گے @ICT_Police بتائے گی جنہوں نے ایسے معاملات کو دیکھے بغیر ہی سب کچھ شروع کر دیا https://t.co/oLKRwXPWT2
— Saqib Bashir (@saqibbashir156) March 8, 2026
ریاض الحق نے کہا کہ امید ہے ایم ٹیگ والے دوبارہ لگا کر دے دیں گے۔
امید ہے ایم ٹیگ والے دوبارہ لگا کر دے دیں گے https://t.co/1yRsE9KPNX
— Riaz ul Haq (@Riazhaq) March 8, 2026
ایک سوشل میڈیا صارف نے مشورہ دیا کہ ٹرانسپیرنٹ ٹیپ لے کر اس کے نیچے ایم ٹیگ رکھیں اور لگائیں۔
ٹرانسپیرنٹ ٹیپ لیکر اس کے نیچے ایم ٹیگ رکھیں اور لگائیں۔ 2 انچ والی بہتر رہے گی۔ https://t.co/39h5AlNi5l
— Ahmer Khanzada (@Thekhanzadas) March 8, 2026
ایک صارف نے طنزاً لکھا کہ آپ نے موٹر سائیکل واش کیوں کرائی اب آپ پرغداری کا پرچہ ہو گا۔
واش کیوں کرائ؟؟
غداری کا پرچہ ہو گا اب!! https://t.co/370ig01L05
— H Shah (@H_Shahh) March 8, 2026
ڈی جی ایکسائز نے واضح کیا ہے کہ بغیر ایم ٹیگ والی گاڑیاں اور موٹرسائیکلیں سڑک پر نہیں چل سکتی، اس لیے شہری کسی بھی قانونی کارروائی سے بچنے کے لیے مکمل دستاویزات کے ساتھ قریبی ایم ٹیگ مرکز سے رابطہ کریں۔
ادھر، اسلام آباد ہائیکورٹ نے موٹرسائیکل پر ایم ٹیگ لگانے کے خلاف دائر کیس میں انتظامیہ سے 16 مارچ تک جواب طلب کر لیا ہے۔ عدالت نے سات دن میں تفصیلی رپورٹ طلب کرتے ہوئے متعلقہ افسر سے معاونت بھی طلب کر لی ہے۔
