ٹی 20 ورلڈکپ 2026 کے فائنل مقابلے میں انڈیا نے نیوزی لینڈ کو 96 رنز سے شکست دے کر ٹرافی اپنے نام کر لی ہے۔ جس کے بعد کرکٹ کی سب سے بڑی ویب سائٹ ’کرک انفو‘ نے ٹیم آف دی ٹورنامنٹ کے کھلاڑیوں کا اعلان کیا۔
Hard to argue with this line-up 🔥
👉 https://t.co/34OcOsUkTi pic.twitter.com/8x6mieH2ds
— ESPNcricinfo (@ESPNcricinfo) March 9, 2026
ٹیم آف دی ٹورنامنٹ کے کھلاڑیوں میں پاکستان کے صاحبزادہ فرحان کو شامل نا کرنے پر صارفین نے سوال اٹھایا ہے۔ سپورٹس جرنلسٹ مرزا اقبال بیگ نے کہا کہ یہ انتخاب جانبدارانہ ہے۔ صاحبزادہ فرحان کہاں ہیں؟ وہ تو پورے ٹورنامنٹ میں سب سے زیادہ رنز بنانے والے بلے باز رہے ہیں۔
Biased selection, where is Sahabzada Farhan ? The highest run scorer in the tournament
— Mirza Iqbal Baig (@mirzaiqbal80) March 9, 2026
سلیم خالق نے لکھا کہ صحبزادہ فرحان اس میں کہاں ہیں؟
Where is sahibzada Farhan ? https://t.co/X2Sx3VbUxh
— Saleem Khaliq (@saleemkhaliq) March 9, 2026
دیوان سچل لکھتے ہیں کہ صاحبزادہ فرحان کو اس ٹیم میں شامل نہ کرنا سمجھ سے بالاتر ہے، اعداد و شمار خود اس انتخاب میں جانبداری کو ظاہر کرتے ہیں۔
How do u not have Shabizada Farhan not in it
Stats prove your prejudice https://t.co/jzPavutlCI— Dewan Sachal (@essel1) March 9, 2026
اقرا نامی صارف نے کہا کہ ٹورنامنٹ کے سب سے زیادہ رنز بنانے والے صاحبزادہ فرحان کو بھی ٹیم آف دی ٹورنامنٹ میں شامل نہیں کیا گیا۔ آئی سی سی اور بی سی سی آئی کی منافقت اور حسد صاف ظاہر ہو رہا ہے۔
No highest run scorer of tournament – Sahibzada Farhan even in the Team of the Tournament
Icc & bcci hypocrisy & jealousy smells #T20WorldCup2026final #T20WorldCup . https://t.co/nNEkKJAP2V
— Iqra (@Iqra87685226) March 9, 2026
’کرک انفو‘ کی ٹیم آف دی ٹورنامنٹ میں بھارت کے وکٹ کیپر بیٹر سنجو سیمسن کو ٹورنامنٹ کا بہترین کھلاڑی قرار دیا گیا۔ انہوں نے 5 اننگز میں 321 رنز اسکور کیے۔ ان کا اسٹرائیک ریٹ تقریباً 200 رہا جبکہ انہوں نے 3 نصف سنچریاں بھی بنائیں۔ سیمسن نے اس ایڈیشن میں 24 چھکے لگا کر ایک نیا ریکارڈ بھی قائم کیا۔
یہ بھی پڑھیں: بھارت اس بچے کی طرح ہے جو سب کو بلاتا ہے آؤ کھیلیں لیکن جیتنا صرف مجھے ہے، شعیب اختر کا بھارت پر طنز
جنوبی افریقہ کے ایڈن مارکرم کو ٹیم کا کپتان مقرر کیا گیا ہے۔ انہوں نے 8 اننگز میں 286 رنز اسکور کیے اور اپنی قیادت میں جنوبی افریقہ کو ناک آؤٹ مرحلے تک پہنچایا۔ بھارت کے ایشان کشن بھی نمایاں کارکردگی کے باعث ٹیم میں شامل کیے گئے۔ انہوں نے 9 اننگز میں 317 رنز اسکور کیے اور فائنل سمیت اہم میچوں میں مؤثر بیٹنگ کا مظاہرہ کیا۔
ویسٹ انڈیز کے شمرون ہیٹمائر نے سات اننگز میں 248 رنز بنا کر مڈل آرڈر میں اہم کردار ادا کیا جبکہ بھارت کے شیوام دوبے نے بیٹنگ اور باؤلنگ میں ٹیم کے لیے کارکردگی دکھائی۔
یہ بھی پڑھیں: ٹی20 ورلڈ کپ فائنل: نریندر مودی اسٹیڈیم کی گندی کرسیوں کی ویڈیو وائرل، شائقین برہم
آل راؤنڈر ہاردک پانڈیا نے بھی شاندار کارکردگی دکھائی۔ انہوں نے 9 میچوں میں 217 رنز بنانے کے ساتھ ساتھ 9 وکٹیں بھی حاصل کیں اور ڈیتھ اوورز میں اہم باؤلنگ کی۔انگلینڈ کے ول جیکس کو بھی ٹیم میں شامل کیا گیا ہے جنہوں نے 226 رنز بنانے کے علاوہ 9 وکٹیں بھی حاصل کیں اور کئی مواقع پر اپنی ٹیم کو مشکل صورتحال سے نکالا۔
ویسٹ انڈیز کے تجربہ کار آل راؤنڈر جیسن ہولڈر نے 7 میچوں میں 10 وکٹیں حاصل کیں اور 141 رنز بھی اسکور کیے۔ اسپن باؤلنگ میں انگلینڈ کے عادل رشید کو منتخب کیا گیا جنہوں نے 8 میچوں میں 13 وکٹیں حاصل کیں۔
یہ بھی پڑھیں: صدی کے بہترین کیچ کی ویڈیو وائرل، کیچر کو کتنا انعام ملا ؟
بھارت کے فاسٹ باؤلر جسپریت بمراہ نے بھی شاندار کارکردگی دکھاتے ہوئے 8 میچوں میں 14 وکٹیں حاصل کیں جبکہ جنوبی افریقہ کے لونگی نگیدی نے 7 میچوں میں 12 شکار کیے۔
واضح رہے کہ صاحبزادہ فرحان 7 میچز میں 76.60 کی اوسط اور 160.25 کے سٹرائیک ریٹ کے ساتھ 383 رنز بنائے ۔ انہوں نے ٹی 20 ورلڈ کپ کے ایک ایڈیشن میں سب سے زیادہ رنز بنانے کا ریکارڈ بھی قائم کیا۔ اوپنر نے سری لنکا اور نمیبیا کے خلاف سنچریاں اسکور کیں۔ وہ ایک ٹی 20 ورلڈ کپ میں دو سنچریاں بنانے والے واحدبیٹسمین ہیں۔
