امریکا نے پاکستان میں مقیم اپنے شہریوں کے لیے سیکیورٹی الرٹ جاری کردیا۔
امریکی سفارتخانہ اسلام آباد سے جاری بیان میں کہا گیا ہے کہ اسلام آباد، لاہور، کراچی اور پشاور میں بڑے مذہبی جلوسوں کی نگرانی کی جارہی ہے۔ اور 10 مارچ دوپہر 12 بجے سے تمام امریکی اہلکاروں کی نقل و حرکت محدود کر دی جائے گی۔
Attention U.S. Citizens: Security Alert
The U.S. Embassy in Islamabad and the U.S. Consulates General in Lahore, Karachi, and Peshawar are monitoring planned large-scale religious processions across Pakistan. Beginning March 10 at 12:00 p.m., the movements of all U.S. personnel… pic.twitter.com/JPVybO2plC— U.S. Embassy Islamabad (@usembislamabad) March 9, 2026
امریکی شہریوں کو ہدایت کی گئی ہے کہ وہ بڑے اجتماعات کے علاقوں میں جانے سے گریز کریں، کیونکہ یہ جلوس پرتشدد ہو سکتے ہیں۔
بیان کے مطابق لاہور اور کراچی میں امریکی قونصل خانوں نے تمام قونصلر خدمات معطل کر رکھی ہیں، جبکہ اسلام آباد میں امریکی سفارتخانہ امریکی شہریوں کو خدمات فراہم کر رہا ہے۔
امریکی شہریوں کو مزید کہا گیا ہے کہ شناختی دستاویزات اپنے پاس رکھیں، اور مقامی پولیس سے تعاون کریں۔
واضح رہے کہ امریکا اور اسرائیل کی جانب سے ایران پر حملے کے بعد پاکستان کے مختلف شہروں میں احتجاج کیا گیا تھا، جس کے پیش نظر امریکی سفارتخانے نے ہدایات جاری کی ہیں۔
