وزیراعلیٰ مریم نواز شریف نے پنجاب میں ناجائز اسلحہ کے خاتمے کے لیے (The Punjab Surrender Illicit Arms Act 2026) کی منظوری دے دی۔ یہ پنجاب میں پہلی مرتبہ اسلحہ نمائش اور ناجائز استعمال کے سدباب کے لیے تیار کیا گیا جامع ایکٹ ہے۔
مزید پڑھیں:وزیر اعلیٰ پنجاب مریم نواز شریف کی کوئٹہ آمد، پرتپاک استقبال
وزیراعلیٰ نے عید الفطر کے بعد اسلحہ کلچر کے خاتمے کے لیے بھرپور مہم کا حکم دیا ہے اور اس سلسلے میں تمام شہریوں کو ذمہ داری دی گئی ہے کہ وہ ناجائز اسلحہ جمع کرائیں۔
نئے ایکٹ کے تحت ہر قسم کے ناجائز اسلحہ کے خاتمے کی شقیں شامل ہیں۔ انٹیک اسلحہ گھر میں آویزاں کرنے کے لیے خصوصی اجازت نامہ حاصل کرنا لازمی ہوگا۔
ناجائز اسلحہ سی سی ڈی کو جمع کرانا ہوگا۔ لائسنس یافتہ اسلحہ بردار شہری کو اسلحہ رکھنے کی معقول وجہ بیان کرنی ہوگی۔ مقررہ مدت میں ناجائز اسلحہ جمع نہ کرانے پر سخت سزائیں تجویز کی گئی ہیں۔
مزید پڑھیں:محفوظ بسنت پر عملدرآمد، وزیراعلیٰ مریم نواز شریف کا اہلِ لاہور کو خراجِ تحسین
یہ اقدام پنجاب میں اسلحہ کلچر کے خاتمے اور عوام کی حفاظت کو یقینی بنانے کے لیے ایک تاریخی قدم قرار دیا جا رہا ہے۔
