پاکستان تحریک انصاف کے رکن قومی اسمبلی شیر علی ارباب نے کہا ہے کہ پی ٹی آئی کمیٹیوں میں آرہی ہے یا نہیں اس کا فیصلہ پارٹی لیڈر شپ اور عمران خان کریں گے۔
یہ بھی پڑھیں: خیبرپختونخوا میں وزرا سے اقرارناموں پر دستخط کیوں کروائے گئے؟
وی نیوز سے گفتگو کرتے ہوئے شیر علی ارباب نے کہا کہ 99 فیصد ارکان اسمبلی کا خیال ہے کہ ہمیں کمیٹیوں میں واپس جانا چاہیے اس کا پارٹی اور عوام دونوں کو فائدہ ہے اگر کمیٹیوں میں واپس نہیں جانا تو پھر اسمبلیوں میں بیٹھنے کی کوئی ضرورت نہیں۔
انہوں نے کہا کہ قائمہ کمیٹیو ں میں واپس جانے کے حوالے سے حتمی فیصلہ پارٹی لیڈرشپ اور بانی عمران خان کریں گے۔
پی ٹی آئی کمیٹیوں میں آرہی ہے یا نہیں اس کا فیصلہ پارٹی لیڈر شپ اور عمران خان کریں گے لیکن 99 فیصد ارکان اسمبلی کا خیال ہے کہ ہمیں کمیٹیوں میں واپس جانا چاہیے اس کا پارٹی اور عوام دونوں کو فائدہ ہے اگر کمیٹیوں میں واپس نہیں جانا تو پھر اسمبلیوں میں بیٹھنے کی کوئی ضرورت نہیں ،… pic.twitter.com/fuz3jBTFpT
— WE News (@WENewsPk) March 12, 2026
ارباب نیاز اسٹیڈیم کا نام تبدل کرنے کے حوالے سے سوال کے جواب میں انہوں نے کہا کہ ارباب نیاز اسٹیڈیم پشاور کا نام عمران خان اسٹیڈیم کے طور پر علی امین کی دورِ حکومت میں تبدیل کیا گیا۔ علیمہ خان نے اس وقت کہا تھا کہ یہ نام تبدیلی عمران خان کی مرضی کے خلاف ہے، مگر پھر بھی نام تبدیل کردیا گیا۔
یہ بھی پڑھیں: پہلے پارلیمانی کمیٹیوں سے استعفے اور اب واپسی کے خواہاں، پی ٹی آئی کیا چاہتی ہے؟
انہوں نے کہا ’میں اس پر کھل کر بات نہیں کر سکتا کیونکہ ارباب نیاز میرے دادا تھے، مگر فیملی والے اس چیز سے خفا ہیں۔میرے والد 2011 میں تحریک انصاف میں شامل ہوئے تھے، جب پی ٹی آئی کے اپنے لوگ بھی یہ نہیں جانتے تھے کہ پارٹی کبھی صوبے یا وفاق میں حکومت کرے گی۔ ‘
ارباب نیاز اسٹیڈیم پشاور کا نام عمران خان اسٹیڈیم کے طور پر علی امین کی دورِ حکومت میں تبدیل کیا گیا۔ علیمہ خان نے اس وقت کہا تھا کہ یہ نام تبدیلی عمران خان کی مرضی کے خلاف ہے، مگر پھر بھی نام تبدیل کر دیا گیا۔ میں اس پر کھل کر بات نہیں کر سکتا کیونکہ ارباب نیاز میرے دادا تھے،… pic.twitter.com/r5E9dwJto6
— WE News (@WENewsPk) March 12, 2026
ان کا کہنا تھا کہ ہم نے طاقت کو چھوڑ کر اصولوں کی خاطر پی ٹی آئی جوائن کی، اور آج ہماری قربانیوں کا یہی صلہ ہمیں مل رہا ہے، یہ میرا کام نہیں ہے کہ میں کہوں کہ اسٹیڈیم کا نام میرے دادا کے نام پر رکھیں، نہ میں نے سہیل آفریدی سے بات کی نہ کروں گا۔
