گورنر سندھ نہال ہاشمی نے مزار قائد کا دورہ کیا، جہاں وہ کسی اور شخص سے تاثرات قلمبند کرواتے رہے، جس کی ویڈیو سوشل میڈیا پر وائرل ہوگئی۔
نہال ہاشمی کی جانب سے خود تاثرات قلمبند نہ کرنے کے معاملے پر سوشل میڈیا پر شدید بحث جاری ہے، اور گورنر کو تنقید کا نشانہ بنایا جا رہا ہے۔
واضح رہے کہ وفاقی حکومت نے ایم کیو ایم سے تعلق رکھنے والے گورنر سندھ کامران ٹیسوری کو ہٹا کر نہال ہاشمی کو اس عہدے پر تعینات کیا ہے۔
نہال ہاشمی ماضی میں بھی مختلف تنازعات کا شکار رہے تاہم وہ مسلم لیگ ن کے ساتھ ثابت قدم رہے۔
مزار قائد کے دورے کے موقع پر کسی اور شخص سے تاثرات قلمبند کرانے کی ویڈیو سوشل میڈیا پر وائرل ہونے کے بعد ایک ایکس صارف نے تنقید کرتے ہوئے لکھا کہ بطور گورنر یہ شخص اب سندھ کی تمام سرکاری یونیورسٹیوں کا چانسلر بن گیا ہے۔ طلبہ کو اب ڈگریاں اس کے دستِ مبارک سے ملا کریں گی۔ اناللہ واناالیہ راجعون۔
بطور گورنر سندھ، یہ شخص سندھ کی تمام سرکاری یونیورسٹیوں کا چانسلر بن گیا ہے۔ سٹوڈنٹس کو اب ڈگریاں اس کے دستِ مبارک سے ملا کریں گی۔
انا للہ و انا الیہ راجعون! pic.twitter.com/xG16vAg6R1— Fayyaz Shah (@RebelByThought) March 14, 2026
ایک صارف نے ان کی حمایت کرتے ہوئے لکھا کہ یہ مڈل کلاس کا بہت وفادار سیاسی کارکن ہے اور گورنر کا عہدہ بھی علامتی ہے، عمران اسماعیل جیسے بزدلوں سے ہزار درجے بہتر ہے۔
یہ میڈل کلاس کا بہت وفادار سیاسی کارکن ہے اور گورنر کا عہدہ بھی علامتی ہے ، عمران اسماعیل جیسے بزدلوں سے ہزار درجے بہتر ہے
— Gurbaz (@Gurbaz777) March 14, 2026
ایک صارف نے تبصرہ کرتے ہوئے لکھا کہ جیسی سندھ کی تعلیم ہے، اس حساب سے سب ٹھیک ہے۔
جیسی سندھ کی تعلیم ہے وہاں کے حساب سے ٹھیک ہے۔
— ش ی ر ا ز (@sherazazam3) March 14, 2026
سوشل میڈیا پر اس معاملے پر شدید بحث جاری ہے، کچھ لوگ نہال ہاشمی کو تنقید کا نشانہ بنا رہے ہیں، جبکہ کچھ کی جانب سے ان کا دفاع کیا جارہا ہے۔
