وفاقی وزارت اطلاعات و نشریات نے افغان طالبان رجیم کے نام نہاد وزارت دفاع کا پاکستان کی کچھ چوکیوں پر قبضے یا نقصان پہنچانے کے دعوے کو من گھڑت اور بے بنیاد قرار دیا ہے۔
Another false claim by Afghan Taliban Regime has been exposed by @FactCheckerMoIB
These false claims have no basis or foundation.
On the other hand, all the damages and losses being incurred by the Afghan Taliban and their extension Fitna Al Khawarij are updated by Ministry… https://t.co/96rR1iDA6d
— Attaullah Tarar (@TararAttaullah) March 14, 2026
وزارت کے مطابق یہ دعویٰ افغان عوام کو گمراہ کرنے کے لیے بنایا گیا، حالانکہ افغان عوام خود ان دہشتگرد عناصر کی وجہ سے براہِ راست مشکلات کا سامنا کر رہے ہیں۔
بیان میں کہا گیا ہے کہ پاکستانی وزارت اطلاعات افغان طالبان اور ان کے معاون گروہ فتنہ الخوارج کو پہنچنے والے نقصانات اور ہلاکتوں کی باقاعدہ اپ ڈیٹس جاری کرتی رہتی ہے، جبکہ دہشتگردوں اور ان کے نیٹ ورک کے خلاف کارروائیوں کی معلومات فراہم کرنے میں خاص احتیاط برتی جاتی ہے۔
وزارت نے واضح کیاکہ دہشتگردوں اور بھارتی میڈیا یا سوشل میڈیا نیٹ ورکس کے دعوؤں میں کوئی صداقت نہیں ہے۔
بیان میں واضح کیا گیا ہے کہ طالبان رجیم کے بے بنیاد دعوؤں کے حق میں کوئی قابل اعتماد یا تصدیق شدہ ثبوت سامنے نہیں آیا، اور جب بھی ان دعوؤں کی جانچ پڑتال کی گئی، وہ ہمیشہ غلط ثابت ہوئے ہیں۔
واضح رہے کہ پاکستان کا افغانستان میں دہشتگرد گروپوں کے خلاف آپریشن غضب للحق جاری ہے، اور اب تک کی گئی کارروائیوں میں سینکڑوں دہشتگرد ہلاک ہو چکے ہیں، جبکہ متعدد چوکیوں پر قبضہ بھی کرلیا گیا ہے۔
