سابق امریکی نائب صدر کملا ہیرس کے شوہر ڈگ ایمہوف کو آسکرز کی تقریب کے دوران سوشل میڈیا پر پھیلائی جانے والی ایک جھوٹی ویڈیو مہم کا سامنا کرنا پڑا، جس میں ان سے متعلق بے بنیاد دعوے کیے گئے۔
یہ بھی پڑھیں: ایران پر حملہ غیرضروری اور خطرناک، کانگریس اپنے اختیار سے ٹرمپ کو روکے، کملا ہیرس
میڈیا رپورٹس کے مطابق کملا ہیرس اپنے شوہر کے ہمراہ اکیڈمی ایوارڈز کی تقریب دیکھ رہی تھیں۔ ڈگ ایمہوف نے اپنے انسٹاگرام اکاؤنٹ پر کملا ہیرس کے ساتھ ایک تصویر شیئر کرتے ہوئے لکھا کہ وہ آسکرز دیکھ رہے ہیں اور یہ فلمی دنیا کے لیے ایک بہترین سال رہا۔ کملا ہیرس نے بھی اس تصویر کو اپنی انسٹاگرام اسٹوری پر دوبارہ شیئر کیا۔
View this post on Instagram
اسی دوران سوشل میڈیا پر بعض افراد نے ایک ویڈیو گردش میں لائی، جس کے بارے میں دعویٰ کیا گیا کہ اس میں ڈگ ایمہوف کو بدنام امریکی سرمایہ کار جیفری ایپسٹین کے ساتھ نجی ہیلی کاپٹر میں دیکھا جا سکتا ہے۔
تاہم حقائق کی جانچ پڑتال سے واضح ہوا کہ یہ دعویٰ مکمل طور پر بے بنیاد ہے۔ دستیاب ایپسٹین فائلز، فلائٹ ریکارڈز اور کسی بھی سرکاری دستاویز میں ڈگ ایمہوف کا نام شامل نہیں، جبکہ دونوں شخصیات کے درمیان کسی قسم کے تعلق یا ملاقات کا کوئی مستند ثبوت بھی موجود نہیں۔
یہ بھی پڑھیں: ٹرمپ ٹیرف اسٹاک مارکیٹ لے بیٹھا، کملا ہیرس کی پیشگوئی سچ ثابت
ماہرین کے مطابق اس نوعیت کی گمراہ کن ویڈیوز اور جھوٹے دعوے اہم عوامی شخصیات کے خلاف سوشل میڈیا پر غلط معلومات پھیلانے کی ایک عام مثال بن چکے ہیں، جس کا مقصد عوامی رائے کو متاثر کرنا ہوتا ہے۔
