پاک افواج کے آپریشن غضب للحق کے تحت افغانستان میں فضائی کارروائیاں کامیابی سے جاری ہیں۔
مزید پڑھیں: آپریشن غضب للحق: پاک افواج کی قندھار میں فضائی کارروائی، طالبان کا ٹیکنیکل سپورٹ نظام تباہ
سکیورٹی ذرائع کے مطابق 16 مارچ کی شب پاک افواج نے کابل اور ننگرہار میں افغان طالبان کی فوجی تنصیبات کو نشانہ بنایا۔
کارروائی کے دوران کابل میں 2 مقامات پر ٹیکنیکل سپورٹ انفرااسٹرکچر اور ایمونیشن اسٹوریج کو مؤثر انداز میں تباہ کیا گیا۔
فضائی حملے کے بعد سیکنڈری دھماکوں سے بلند ہونے والے شعلے اس بات کی تصدیق کرتے ہیں کہ یہ ایک بڑا گولہ بارود کا ذخیرہ تھا۔
ذرائع نے کہاکہ افغان طالبان کے ترجمان ذبیح اللہ مجاہد کا یہ دعویٰ کہ حملوں میں کسی منشیات کے علاج کے اسپتال کو نشانہ بنایا گیا، مضحکہ خیز ہے۔
ننگرہار میں بھی کارروائی کے دوران پاک افواج نے 4 مقامات پر افغان طالبان کی ملٹری تنصیبات کو کامیابی سے نشانہ بنایا۔ اس دوران ملٹری تنصیبات سے منسلک لاجسٹک انفرااسٹرکچر، ایمونیشن اور ٹیکنیکل سامان کو بھی تباہ کیا گیا۔
مزید پڑھیں: افغانستان میں کسی اسپتال کو نشانہ نہیں بنایا گیا، پاکستان نے افغان طالبان کا دعویٰ مسترد کردیا
سیکیورٹی ذرائع نے مزید بتایا کہ آپریشن غضب للحق کے تحت کارروائیاں اہداف کے مکمل حصول تک جاری رہیں گی۔
