وزیراعلیٰ پنجاب مریم نواز شریف نے پنجاب میں پہلا سکل سٹی پراجیکٹ قائم کرنے کا اصولی فیصلہ منظور کر لیا ہے۔ اس سلسلے میں وزیراعلیٰ نے متعلقہ محکموں سے پروجیکٹ کے لیے تجاویز اور تفصیلی پلان طلب کر لیا ہے۔
مزید پڑھیں:وزیراعلیٰ پنجاب مریم نواز کا پنجاب بھر میں ٹرانسپورٹرز کے خلاف کریک ڈاؤن کا حکم
سکل سٹی پراجیکٹ کے تحت انڈسٹری کی ضروریات سے ہم آہنگ ٹیکنیکل ایجوکیشن انسٹیٹیوٹ قائم کیے جائیں گے اور پنجاب کے سکل ایجوکیشن اداروں کو سینٹر آف ایکسی لینس بنایا جائے گا۔ منصوبے میں پنجاب کے طلبہ کو میٹرک لیول پر مارکیٹ کی ضروریات سے ہم آہنگ ٹیکنیکل تعلیم دی جائے گی تاکہ وہ روزگار کے قابل بن سکیں۔
وزیراعلیٰ نے ہدایت کی ہے کہ سلیبس کی تیاری میں صنعتی اداروں کے ماہرین اور بہترین اساتذہ کو شامل کیا جائے، تاکہ نوجوانوں کو عملی اور انڈسٹری کے مطابق تربیت فراہم کی جا سکے۔
گرافک ڈیزائننگ، میڈیا پروڈکشن، فیشن ڈیزائننگ، ڈیٹا کوڈنگ، ٹورازم ایکسپرٹ کے کورسز کرائے جائیں گے۔ صنعتی تربیت میں الیکٹرکیشن، پلمبرنگ، سولر واٹر ہیٹنگ، پروفیشنل شیف، الائیڈ ہیلتھ پروفیشنل شامل ہوں گے۔
مزید پڑھیں: پنجاب میں کفایت شعاری مہم کے باوجود اعلیٰ عدلیہ کے لیے کروڑوں روپے کی گاڑیاں کیوں خریدی جا رہی ہیں؟
وزیراعلیٰ نے خصوصی اجلاس میں کہا کہ نوجوانوں کو مارکیٹ کی ضروریات سے ہم آہنگ ٹیکنیکل تعلیم دینے کے لیے تمام وسائل بروئے کار لائیں گے۔
