ترجمان اسلام آباد پولیس کے مطابق، آئی جی اسلام آباد سید علی ناصر رضوی نے عیدالفطر شہدا کی فیملیز کے ساتھ منائی اور ان کے ساتھ خصوصی وقت گزارا۔
پولیس لائنز ہیڈکوارٹر کی مسجد میں عید کا بڑا اجتماع منعقد ہوا، جس میں آئی جی اسلام آباد سمیت پولیس کے افسران اور جوانوں نے شرکت کی۔ اس موقع پر آئی جی اسلام آباد نے جوانوں سے گلے مل کر مبارکباد دی۔
مزید پڑھیں: فیلڈ مارشل عاصم منیر کا کرم کا دورہ، عیدالفطر فوجی جوانوں کے ساتھ منائی
نماز عید کے بعد سید علی ناصر رضوی نے یادگارِ شہدا پر پھولوں کی چادر چڑھائی اور فاتحہ خوانی کی۔ بعد ازاں وہ شہدا کے بچوں کے ساتھ گھل مل گئے اور ان کے ساتھ عید کی خوشیاں بانٹیں۔
آئی جی اسلام آباد کا کہنا تھا کہ شہدا کی فیملیز میری فیملی ہیں اور شہدا کے بچوں کو کبھی تنہا نہیں چھوڑیں گے۔ انہوں نے کہا کہ آج ہم جو پرامن عید منا رہے ہیں، یہ شہدا کی قربانیوں کا نتیجہ ہے۔
آئی جی اسلام آباد سید علی ناصر رضوی نے عید شہداءکی فیملیز کے ساتھ منائی۔ یادگار شہدا پر پھولوں کی چادر چڑھائی فاتحہ خوانی کی۔ شہداء کے بچوں کو عیدی اور تحائف دئیے۔ شہداءکی قربانیوں سے آج ہم پرامن عید گزار رہے ہیں۔ آئی جی اسلام آباد#EidUlFitr #ICTP#WeRIslamabadPolice #AliNasir pic.twitter.com/ue60YmqL50
— Islamabad Police (@ICT_Police) March 21, 2026
مزید برآں، نماز عید کے بعد عمرہ کے لیے قرعہ اندازی بھی کی گئی، جس میں کامیاب ہونے والے خوش نصیب کو عمرہ کی سعادت کے لیے بھیجا جائے گا۔
اسلام آباد میں عیدالفطر کے موقع پر فول پروف سیکیورٹی انتظامات
ترجمان اسلام آباد پولیس کے مطابق وفاقی دارالحکومت میں عیدالفطر کے موقع پر نماز عید کے لیے سخت اور فول پروف سیکیورٹی انتظامات کیے گئے۔
اسلام آباد کا سب سے بڑا عید اجتماع شاہ فیصل مسجد میں منعقد ہوا، جہاں شہریوں کی بڑی تعداد نے نماز عید ادا کی۔
سیکیورٹی کے لیے اسلام آباد پولیس کے 7 ہزار سے زائد افسران اور جوان فرائض انجام دے رہے ہیں، جبکہ تمام انتظامات کی نگرانی سیف سٹی کیمروں اور جدید ٹیکنالوجی کے ذریعے کی جا رہی ہے۔
سید علی ناصر رضوی خود سیکیورٹی انتظامات کی نگرانی کر رہے ہیں تاکہ شہریوں کو محفوظ ماحول فراہم کیا جا سکے۔
آئی جی اسلام آباد نے اس موقع پر شہریوں اور پولیس فورس کو عیدالفطر کی دلی مبارکباد پیش کرتے ہوئے دعا کی کہ اللہ تعالیٰ پاکستان کو ہمیشہ امن، استحکام اور خوشحالی کا گہوارہ بنائے۔
آئی جی اسلام آباد کا عیدالفطر پر ٹریفک افسران سے خطاب، کارکردگی کو خراج تحسین
ترجمان اسلام آباد پولیس کے مطابق، سید علی ناصر رضوی نے عیدالفطر کے دن اسلام آباد کے ٹریفک افسران سے خطاب کرتے ہوئے ان کی خدمات کو سراہا۔
آئی جی اسلام آباد نے رمضان المبارک اور چاند رات کے دوران ٹریفک افسران کی محنت اور فرض شناسی کو قابل تعریف قرار دیا۔ انہوں نے ہارون جوئیہ، حمزہ ہمایوں اور تمام افسران کو بھرپور خراج تحسین پیش کیا۔
مزید پڑھیں: کرکٹر عماد وسیم کی سابق اہلیہ کی بچوں کے ہمراہ پرستاروں کو عید مبارک
آئی جی اسلام آباد نے کہا کہ آج اسلام آباد ٹریفک پولیس پورے ملک کی پولیس فورس کے لیے ایک رول ماڈل ہے۔
اس کے علاوہ، اسلام آباد ٹریفک پولیس کے 5 افسران کو قرعہ اندازی کے ذریعے عمرہ کی ادائیگی کے لیے بھیجا جائے گا تاکہ انہیں روحانی خوشیوں میں شامل کیا جا سکے۔
