پاکستان کے اوپنر صاحبزادہ فرحان کو فروری 2026 کے لیے آئی سی سی مینز پلیئر آف دی منتھ قرار دیا گیا ہے۔
جس سے ٹی20 ورلڈ کپ میں ان کی شاندار کارکردگی کو عالمی سطح پر تسلیم کیا گیا۔
یہ بھی پڑھیں: صاحبزادہ فرحان کہاں ہیں؟ کرک انفو کی ٹیم آف دی ٹورنامنٹ میں پاکستانی اسٹار شامل نہ ہونے پر تنقید
اگرچہ پاکستان ٹیم ٹورنامنٹ میں جلد باہر ہوگئی، تاہم صاحبزادہ فرحان بیٹنگ کے میدان میں سب سے نمایاں کھلاڑی کے طور پر سامنے آئے۔
دائیں ہاتھ کے بلے باز نے صرف 6 اننگز میں 76.60 کی شاندار اوسط اور 160.25 کے اسٹرائیک ریٹ کے ساتھ مجموعی طور پر 383 رنز بنائے، جو ٹورنامنٹ میں سب سے زیادہ تھے۔
JUST IN🚨:
Sahibzada Farhan has been declared as ICC player of the month (February, 2026) due to his exceptional performance in T20 World Cup 2026.#Cricket pic.twitter.com/MqDiKvJ9Uz
— HAMAS 🇵🇰 (@HamasulGhani) March 23, 2026
29 سالہ بیٹر کی مہم میں 2 سینچریاں اور 2 نصف سنچریاں شامل تھیں، اور وہ ٹی20 ورلڈ کپ کے ایک ہی ایڈیشن میں ایک سے زائد سینچری بنانے والے پہلے کھلاڑی بن گئے۔
اس دوران انہوں نے ایک ایڈیشن میں سب سے زیادہ رنز بنانے کا طویل عرصے سے قائم ریکارڈ بھی توڑ دیا، جو پہلے ویرات کوہلی کے پاس تھا۔
صاحبزادہ فرحان نے 7 میچز میں 47، 73، صفر، ناقابل شکست 100، ایک میچ میں بیٹنگ نہ کی، 63 اور 100 رنز اسکور کیے، جس کی بدولت انہیں آئی سی سی ٹیم آف دی ٹورنامنٹ میں بھی شامل کیا گیا۔
مزید پڑھیں: پاکستانی ٹیم ناکام، مگر صاحبزادہ فرحان نے تاریخ رقم کردی، حیران کن اعداد و شمار
ایوارڈ جیتنے پر اظہار خیال کرتے ہوئے فرحان نے کہا کہ ورلڈ کپ جیسے بڑے اسٹیج پر کارکردگی دکھانے کے بعد یہ اعزاز حاصل کرنا ایک شاندار احساس ہے۔
ان کے مطابق دنیا بھر کے شائقین کی موجودگی میں کھیلنا اس کامیابی کو مزید خاص بناتا ہے۔
انہوں نے کہا کہ یہ ٹورنامنٹ ان کے لیے ہمیشہ یادگار رہے گا اور وہ آنے والی سیریز اور مقابلوں میں بھی اسی فارم کو برقرار رکھنے کے لیے پرعزم ہیں۔
مزید پڑھیں: صاحبزادہ فرحان نے مڈل اور لوئر آرڈر بلے بازوں سے اہم مطالبہ کردیا
انہوں نے اپنی ٹیم کے ساتھیوں کا شکریہ ادا کرتے ہوئے کہا کہ ان کی مسلسل حمایت کے بغیر یہ کامیابی ممکن نہ تھی۔
اس شاندار کارکردگی کے باعث وہ سری لنکا کے خلاف پالے کیلے میں سنچری بنانے کے بعد آئی سی سی ٹی20 بیٹنگ رینکنگ میں اپنے کیریئر کی بہترین دوسری پوزیشن پر بھی پہنچ گئے۔
یہ صاحبزادہ فرحان کے کیریئر کا پہلا آئی سی سی پلیئر آف دی منتھ ایوارڈ ہے، جبکہ وہ نومبر 2024 میں حارث رؤف کے بعد یہ اعزاز حاصل کرنے والے پہلے پاکستانی مرد کرکٹر بھی بن گئے ہیں۔
