معروف صحافی و تجزیہ نگار ارشاد بھٹی نے حال ہی میں ایک عید شو میں اپنی دوسری بیوی سما راج کے ساتھ محبت اور اپنی ذاتی زندگی کے بارے میں کھل کر بات کی۔
ارشاد بھٹی نے اپنی پہلی اہلیہ کو یاد کرتے ہوئے ان کے انتقال کو زندگی کے سب سے بڑے صدمات میں سے ایک قرار دیا اور کہا کہ اپنی محبت کو کھو دینا کسی انسان کے لیے ناقابل برداشت نقصان ہے۔ انہوں نے اس وقت کو اپنی زندگی کا سب سے تاریک مرحلہ قرار دیا۔
دوسری اہلیہ کے بارے میں گفتگو کرتے ہوئے انہوں نے کہا کہ میری محرومیوں اور کمیوں کے باوجود اللہ نے مجھ پر اپنی رحمت کی نظر رکھی اور مجھے سما راج جیسی زندگی ساتھی نصیب ہوئی۔ میں ان سے بے حد محبت کرتا ہوں لیکن اکثر اپنی محبت کے جذبات کا اظہار نہیں کر پاتا۔
سما راج نے بھی اس موقع پر کہا کہ ارشاد بھٹی ہر جمعہ کو پھولوں کا گلدستہ لے کر آتے ہیں اور میری تمام خواہشات کو پورا کرتے ہیں۔ انہوں نے مزید بتایا کہ ارشاد بھٹی نہایت سادہ مزاج انسان ہیں اور انہیں سادہ کھانے جیسے دالیں اور مکس سبزی پسند ہیں۔
View this post on Instagram
سماراج نے اپنی محبت کی کہانی سناتے ہوئے کہا کہ ارشاد بھٹی ان کے شو میں آئے تھے اور ان کے پروڈیوسر نے ان کے مزاج کے مطابق چند سوالات لکھ کر بھیجے۔ میں نے ان سے سوال کیا کہ آپ محبت کا اظہار کیسے کرتے ہیں تو انہوں نے مجھے دیکھ کر کہا ’آئی لو یو‘۔ اس وقت مجھے سمجھ نہیں آئی کہ میں کیا کروں۔ اور یہ ہماری پہلی ملاقات تھی۔ اس کے بعد ان سے شادی ہو گئی۔
