پنجاب پولیس اور ملٹری انٹیلیجنس کی مشترکہ کارروائی میں کوش گینگ کے انتہائی مطلوب اور بدنام زمانہ ڈاکو منیر عرف منی کوش نے پولیس کے سامنے ہتھیار ڈال دیے ہیں۔
حکومت پنجاب نے منیر عرف منی کوش کی گرفتاری کے لیے 50 لاکھ روپے انعام مقرر کیا ہوا تھا۔
کچے کے اس آپریشن میں اب تک 65 ڈاکو ہلاک ہو چکے ہیں، 99 افراد زخمی حالت میں گرفتار ہوئے اور 283 نے خود ہتھیار ڈال دیے ہیں۔
ڈی پی او رحیم یار خان عرفان نے کہاکہ کچے کے تمام ڈاکوؤں کی گرفتاری یا سرنڈر تک کارروائی بلا تعطل جاری رہے گی۔
پنجاب کے آئی جی عبدالکریم نے خطرناک ڈاکو کے ہتھیار ڈالنے پر رحیم یار خان پولیس کی ٹیم کو شاباشی دی اور ہدایت کی کہ کچے میں موجود دیگر کریمنلز کے خلاف کامیاب کارروائیاں جاری رکھی جائیں۔
