معروف اداکارہ اور ٹی وی میزبان ندا یاسر ایک بار پھر سوشل میڈیا پر زیرِ بحث آ گئی ہیں۔ ایک حالیہ وائرل ویڈیو میں وہ معروف باورچی فضیلہ قاضی کے حوالے سے حیرت کا اظہار کرتی نظر آ رہی ہیں اور پوچھتی ہیں کہ ’فریج میں دھنیا اگتا ہے؟‘۔
فضیلہ قاضی نے حال ہی میں ندا یاسر کے شو میں شرکت کی جہاں اداکارہ نے بتایا کہ انہیں تازہ دھنیا پسند ہے اور اس کے لیے وہ ایک خاص باکس استعمال کرتی ہیں جس میں جالی موجود ہوتی ہے۔ وہ اس باکس میں پانی ڈال کر دھنیا اور پودینہ جڑوں سمیت رکھ دیتی ہیں، جس کی وجہ سے دھنیا تقریباً پندرہ دن تک بالکل فریش رہتا ہے۔
View this post on Instagram
ندا یاسر نے اس بات پر حیرت کا اظہار کرتے ہوئے کہا کہ ’دھنیا اسی میں اگتا رہتا ہے؟‘ جس پر فضیلہ قاضی نے وضاحت کی کہ دھنیا اس میں نہیں اگتا بلکہ صرف فریش رہتا ہے۔
اس ویڈیو کے بعد سوشل میڈیا صارفین نے ندا یاسر کو مختلف انداز میں ٹرول کرنا شروع کر دیا۔ کچھ صارفین نے کہا کہ ندا اور ان کی باتیں کبھی نہیں بدلیں گی جبکہ دیگر نے طنز کیا کہ ’ندا بونگیاں مار رہی ہیں‘۔
یہ بھی پڑھیں: ندا یاسر نے اپنے بیٹے بالاج کو گندی ویڈیوز کیوں بھیجیں؟حیران کن انکشاف
ایک صارف سامعہ نے سوال اٹھایا کہ ندا یاسر اتنی سیدھی ہیں یا وہ ایسا دکھا رہی ہیں؟ کچھ صارفین نے ندا یاسر کی سائیڈ لیتے ہوئے کہا کہ یہ بھی کہا کہ فضیلہ قاضی کے پندرہ دن کا ذکر سن کر یہ لگتا ہے کہ دھنیا واقعی اگتا رہتا ہے۔
