اسلام آباد پولیس نے بتایا ہے کہ وفاقی دارالحکومت میں غیر ملکی وفود کی نقل و حرکت کے باعث شہر کی مختلف سڑکوں پر مختصر وقت کے لیے ڈائیورشنز لگائی جائیں گی۔
شہریوں سے درخواست کی گئی ہے کہ وہ اس دوران صبر و تحمل کا مظاہرہ کریں اور سفر کے لیے اضافی وقت رکھیں۔
بارش کے دوران احتیاطی تدابیر
ترجمان نے کہاکہ اسلام آباد میں جاری بارش کے باعث سڑکوں پر پھسلن اور ٹریفک کی رفتار سست ہو سکتی ہے۔
پولیس نے گاڑی اور موٹرسائیکل سواروں سے کہا ہے کہ وہ اپنی رفتار کم رکھیں، لین کی پابندی کریں اور دوران سفر سائیڈ شیشے اور انڈیکیٹرز کا لازمی استعمال کریں۔
موٹرسائیکل سواروں کو ہدایت دی گئی ہے کہ وہ انتہائی بائیں لین میں آہستہ رفتار کے ساتھ چلیں۔
اسلام آباد ٹریفک پولیس کے افسران شہری سہولت اور آگاہی کے لیے سڑکوں پر موجود ہیں۔ کسی بھی مدد یا رہنمائی کے لیے شہری ٹریفک ہیلپ لائن 1915 یا پکار 15 پر رابطہ کر سکتے ہیں۔
