پاکستان میں سعودی عرب کے سفیر نواف بن سعيد المالكی نے سوشل میڈیا پلیٹ فارم ’ایکس‘ پر لکھا ہے کہ وزیراعظم پاکستان کے ساتھ ملاقات کے آغاز میں، سعودی وزیرِ خارجہ شہزادہ فیصل بن فرحان آل سعود نے خادم حرمین شریفین شاہ سلمان بن عبدالعزیز آل سعود اور ولی عہد و وزیراعظم شہزادہ محمد بن سلمان بن عبدالعزیز (حفظهما الله) کی جانب سے برادر اسلامی جمہوریہ پاکستان کی حکومت اور وزیراعظم پاکستان کے لیے نیک خواہشات اور سلام پہنچایا۔
مزید پڑھیں: سعودی وزیر خارجہ کی وزیر اعظم سے ملاقات، پاکستان اور سعودی عرب کے تعلقات کو مزید مضبوط بنانے پر زور
گزشتہ روز سعودی عرب کے وزیر خارجہ شہزادہ فیصل بن فرحان آل سعود نے وزیر اعظم محمد شہباز شریف سے ملاقات کی تھی، جس میں پاکستان اور سعودی عرب کے درمیان برادرانہ تعلقات اور خطے میں امن و استحکام کے لیے تعاون پر تبادلہ خیال کیا گیا۔
ملاقات کے آغاز میں، جناب وزیرِ خارجہ نے خادم حرمین شریفین شاہ سلمان بن عبدالعزیز آل سعود اور ولی عہد و وزیراعظم شہزادہ محمد بن سلمان بن عبدالعزیز (حفظهما الله) کی جانب سے وزیراعظم پاکستان کے لیے نیک خواہشات اور سلام پہنچایا، اور اسلامی جمہوریہ پاکستان کی حکومت اور برادر https://t.co/EjwMzO3KXw
— نواف بن سعيد المالكي (@AmbassadorNawaf) March 29, 2026
ملاقات کے دوران وزیر اعظم نے پاکستان کی سعودی عرب کے ساتھ مکمل یکجہتی اور تعاون کی یقین دہانی کرائی اور سعودی عرب کی موجودہ بحران میں شاندار صبر و تحمل کی تعریف کی۔
مزید پڑھیں: سعودی وزیر خارجہ شہزادہ فیصل بن فرحان کی اسلام آباد میں مصروفیات، اسحاق ڈار سے اہم ملاقات
وزیر اعظم نے حالیہ ملاقاتوں کا ذکر کرتے ہوئے، جن میں 12 مارچ کو جدہ میں ولی عہد کے ساتھ ملاقات بھی شامل تھی، پاکستان کی موجودہ بحران میں سفارتی کوششوں اور امریکی و ایرانی حکام کو مذاکرات کی میز پر لانے کی کوششوں پر روشنی ڈالی۔
ملاقات میں نائب وزیر اعظم و وزیر خارجہ سینیٹر محمد اسحاق ڈار، مشیر برائے قومی سلامتی لیفٹیننٹ جنرل محمد عاصم ملک اور معاون خصوصی برائے امور خارجہ سید طارق فاطمی اور پاکستان میں سعودی عرب کے سفیر نواف بن سعيد المالكی بھی موجود تھے۔
