اسلام آباد ٹریفک پولیس نے بارش کے پیش نظر شہریوں کے لیے اہم ٹریفک ایڈوائزری جاری کرتے ہوئے محتاط ڈرائیونگ اپنانے کی ہدایت کی ہے۔
مزید پڑھیں: اسلام آباد ٹریفک پولیس کی آئی جی پی روڈ پر ہیوی ٹریفک کے خلاف کارروائیاں
ترجمان کے مطابق بارش کے باعث سڑکوں پر پھسلن پیدا ہونے اور ٹریفک کی روانی متاثر ہونے کا خدشہ ہے، لہٰذا ڈرائیورز کو چاہیے کہ وہ رفتار کم رکھیں اور تیز بارش کے دوران فوگ لائٹس کا استعمال یقینی بنائیں۔
ایڈوائزری میں کہا گیا ہے کہ گاڑی اور موٹرسائیکل سوار اپنی لین کی پابندی کریں اور دوران سفر سائیڈ شیشوں اور انڈیکیٹرز کا استعمال لازمی کریں۔ موٹرسائیکل سواروں کو خصوصی ہدایت کی گئی ہے کہ وہ انتہائی بائیں لین میں آہستہ رفتار کے ساتھ سفر کریں۔
مزید پڑھیں: اسلام آباد ٹریفک پولیس کی بڑی کارروائی، جعلی ڈرائیونگ لائسنس بنانے والا گرفتار
ترجمان نے بتایا کہ اسلام آباد ٹریفک پولیس کے افسران شہریوں کی سہولت اور رہنمائی کے لیے سڑکوں پر موجود ہیں۔ کسی بھی ہنگامی صورتحال یا مدد کے لیے شہری ٹریفک ہیلپ لائن 1915 یا پکار 15 پر رابطہ کر سکتے ہیں۔
