بہنوں کے ہوتے ہوئے عمران خان جیل سے باہر نہیں آ سکتے، شیر افضل مروت

رکن قومی اسمبلی شیر افضل مروت کا کہنا ہے کہ عمران خان اپنی بہنوں کی وجہ سے جیل سے باہر نہیں آ سکتے۔

میڈیا سے گفتگو کرتے ہوئے شیر افضل مروت کا کہنا تھا کہ حضرت یوسف علیہ السلام کو اللہ تعالیٰ نے بھائی عطا کیے تھے جبکہ عمران خان کو بہنیں نصیب ہوئی ہیں اور ان کے ہوتے ہوئے عمران خان جیل سے باہر نہیں آسکتے۔

حضرت یوسف علیہ السلام کو اللہ
نے بھائی دیے تھے، عمران کو اللہ نے بہنیں دی ہیں، شیر افضل مروت pic.twitter.com/I5S4Qd4cY3

— WE News (@WENewsPk) March 30, 2026

انہوں نے کہا کہ علی امین گنڈ پور کو ہٹانے کیلئے پارٹی نے الزام تراشیاں کی تھیں۔ اب ایسے بندے کو وزیراعلیٰ بنایا گیا ہے جو پرائمری اسکول نہیں چلا سکتا۔ موجودہ وزیراعلیٰ خیبر پختونخوا 6 ماہ میں اپنی کابینہ بھی نہیں بنا سکے ہیں۔

ان کا مزید کہنا تھا کہ کس وزیراعلیٰ کے اسٹیبلشمنٹ سے رابطے نہیں ہوتے؟ علی امین گنڈاپور پر اسٹیبلشمنٹ سے رابطے کا الزام لگاتے ہیں موجودہ وزیراعلیٰ تو اسٹیبلشمنٹ سے رابطوں میں 10 قدم آگے ہیں۔