یورپی کونسل کے صدر انتونیو کوستا نے کہا ہے کہ انہوں نے پاکستان کے وزیراعظم شہباز شریف کے ساتھ ایران میں جاری جنگ کے حوالے سے ایک تعمیری ٹیلی فونک گفتگو کی ہے۔
سماجی رابطے کی سائٹ ’ایکس‘ پر اپنے بیان میں انتونیا کوستا نے کہاکہ اس گفتگو میں انہوں نے ایران جنگ پر پاکستانی وزیراعظم کے تجزیے کے ساتھ ساتھ مصر، سعودی عرب، پاکستان اور ترکیہ کے وزرائے خارجہ کی حالیہ اسلام آباد ملاقات کے نتائج پر بھی تبادلہ خیال کیا۔
Good call today with the Prime Minister of Pakistan @CMShehbaz Sharif to hear his assessment on the Iran war, as well as the outcome of the recent consultations between the Foreign Ministers of Egypt, the Kingdom of Saudi Arabia, Pakistan and Türkiye held in Islamabad.
The EU…
— António Costa (@eucopresident) March 30, 2026
انہوں نے مزید کہاکہ یورپی یونین ایران میں جاری جنگ کے طویل ہونے اور اس کے عالمی اثرات کے بڑھنے پر شدید تشویش رکھتی ہے۔
قبل ازیں وزیراعظم پاکستان شہباز شریف نے کہاکہ یورپی کونسل کے صدر سے ٹیلیفونک گفتگو میں اس بات پر اتفاق کیا گیا کہ خطے میں امن و استحکام کی بحالی کے لیے بات چیت اور سفارت کاری کو ترجیح دی جانی چاہیے۔
Received a telephone call from H.E. António Costa, President of the European Council, this afternoon.
We exchanged views on the ongoing hostilities in the Middle East and agreed that dialogue and diplomacy must prevail in order to restore regional peace and stability.
I…
— Shehbaz Sharif (@CMShehbaz) March 30, 2026
شہباز شریف نے کہاکہ اس موقع پر پاکستان کی جانب سے جاری ثالثی کوششوں سے بھی آگاہ کیا گیا، جنہیں یورپی رہنما نے سراہتے ہوئے اپنی حمایت کا اظہار کیا۔
وزیراعظم کے مطابق گفتگو کے دوران پاکستان اور یورپی یونین کے تعلقات کو مزید مضبوط بنانے پر بھی بات ہوئی، جس میں جی ایس پی پلس کی اہمیت اور اپریل کے آخر میں اسلام آباد میں منعقد ہونے والے پاکستان یورپی یونین تجارتی فورم کا بھی ذکر کیا گیا۔
وزیراعظم شہباز شریف نے یورپی کمیشن کی صدر ارزولا فان ڈئر لاین کے لیے نیک خواہشات کا اظہار بھی کیا۔
