چین نے مشرقِ وسطیٰ میں کشیدگی کے خاتمے کے لیے پاکستان کی سفارتی کوششوں کی حمایت کرتے ہوئے کہا ہے کہ وہ امریکا اور ایران کے درمیان مذاکرات میں پاکستان کے ثالثی کردار کو سراہتا ہے۔
چینی وزارت خارجہ کی ترجمان ماؤ ننگ نے اپنے ایک بیان میں کہا کہ چین صورتحال میں بہتری لانے کے لیے پاکستان کی کاوشوں کو قدر کی نگاہ سے دیکھتا ہے۔
یہ بھی پڑھیے نائب وزیراعظم اسحاق ڈار آج چین روانہ ہوں گے، خطے میں جاری کشیدگی کے تناظر میں دورہ انتہائی اہم
انہوں نے کہا، ’ہم کشیدگی میں کمی کے لیے پاکستان کی کوششوں کو سراہتے ہیں اور ثالثی کے کردار کو جاری رکھنے میں اس کی حمایت کرتے ہیں۔
چین کے اس بیان کو خطے میں سفارتی کوششوں کے لیے ایک اہم پیش رفت قرار دیا جا رہا ہے، جہاں پاکستان حالیہ دنوں میں ایران اور امریکا کے درمیان کشیدگی کم کرنے کے لیے فعال کردار ادا کر رہا ہے۔
