بھارتی ریاست آندھرا پردیش کے علاقے وشاکھاپٹنم میں ایک خوفناک سانحے میں رویندرا نامی شخص نے اپنی بیوی کو میکے بھیج کر اپنی محبوبہ مونیکا کو رہائش گاہ پر کچھ وقت ساتھ گزارنے کے لیے بلایا۔ تاہم یہ ملاقات مونیکا کے لیے موت کی دعوت ثابت ہوئی۔ دونوں کے درمیان لڑائی چھڑ گئی اور مونیکا کے مارے جانے اور کئی ٹکڑوں میں بٹ کر ختم ہو گئی۔
مزید پڑھیں: ’پہلے گھر خرید کردو‘، محبوب نے شادی کے لیے کڑی شرط رکھنے پر محبوبہ کو قتل کردیا
بھارتی بحریہ کے جہاز (آئی این ایس) دیگا میں تعینات 30 سالہ بحریہ اہلکار رویندرا نے 2021 میں ایک ڈیٹنگ ایپ ‘مِنگل’ پر 31 سالہ مونیکا کے ساتھ میچ کیا۔ پولیس نے بتایا کہ دونوں وشاکھاپٹنم کے مختلف مقامات جیسے پارکس اور تھیٹروں پر اکثر ملتے تھے۔ رفتہ رفتہ ان کے درمیان رومانوی تعلق قائم ہو گیا۔
چند ہفتے پہلے رویندرا کی بیوی وجیا نگرم میں اپنے والدین کے گھر گئی تھی۔ اس دوران رویندرا نے معیاری لمحات گزارنے کا بہترین موقع محسوس کرتے ہوئے، اتوار کی دوپہر، مونیکا کو اپنے گھر بُلا لیا۔
شام تک، مبینہ طور پر دونوں کے درمیان لڑائی شروع ہوگئی، اور رویندرا نے مبینہ طور پر مونیکا کو دم گھٹنے سے ہلاک کردیا۔ اس کے بعد اس نے مبینہ طور پر ایک آن لائن ڈیلیوری پلیٹ فارم سے چاقو خریدا اور لاش کے ٹکڑے کر دیے۔
ابتدائی تحقیقات کے مطابق رویندرا نے سر، ٹانگیں اور ہاتھ دھڑ سے جدا کر دیے۔ ٹانگوں اور کولہوں کو ٹرالی بیگ میں پیک کیا، دھڑ کو ریفریجریٹر میں رکھا۔ سر اور ہاتھوں کو کسی اور جگہ لے جایا گیا، جہاں اس نے مبینہ طور پر انہیں جلا دیا۔
اس کے بعد رویندرا پولیس اسٹیشن گئے اور اپنے جرم کا اعتراف کیا۔ ملزم نے دعویٰ کیا کہ مونیکا نے ان کے تعلقات کے دوران اس سے ساڑھے 3 لاکھ لاکھ روپے لیے تھے اور وہ اکثر ان کے تعلقات کو اس کی بیوی کے سامنے ظاہر کرنے کی دھمکی دیتی تھی۔
بحریہ اہلکار نے بتایا کہ دونوں کے درمیان اکثر جھگڑے ہونے کی وجہ یہی تھی، جس میں مونیکا کا قتل ہونے والا دن بھی شامل تھا۔
مزید پڑھیں: ’ٹی وی کی آواز کم کرنے کو کیوں کہا‘، بیوی نے شوہر کو چاقو مار کر قتل کر دیا
تحقیقات سے پتا چلا ہے کہ رویندرا نے قتل کی منصوبہ بندی کی تھی کیونکہ وہ مونیکا کی طرف سے مسلسل ہراساں کرنے اور دھمکیوں سے تنگ تھا جب سے اس نے 2024 میں شادی کی تھی۔
جب پولیس جائے وقوعہ پر پہنچی تو انہیں ریفریجریٹر اور گھر کے اندر سے جسم کے کٹے ہوئے حصے ملے۔ مونیکا کا سر غائب تھا۔ پولیس کو شبہ ہے کہ رویندرا نے اسے کسی اور جگہ ٹھکانے لگایا۔
لاپتا لاشوں کی تلاش کے لیے اب پولیس کی ایک خصوصی ٹیم تشکیل دی گئی ہے۔ قتل کا مقدمہ درج کر لیا گیا ہے، مزید تفتیش جاری ہے۔
