ترجمان اسلام آباد پولیس نے اعلان کیا ہے کہ اتاترک ایونیو پر جاری تعمیراتی کام کے باعث ایکسپریس چوک سے ایوب چوک (آغا خان روڈ) تک ٹریفک بند رہے گی۔ یہ ڈائیورشن 31 مارچ 2026 سے پروجیکٹ کے مکمل ہونے تک نافذ رہے گا۔
مزید پڑھیں: اسلام آباد میں شدید بارش، موٹروے پر مسافر گاڑیوں کا داخلہ عارضی طور پر بند
متبادل راستے:
جناح ایونیو سے میریٹ ہوٹل آنے جانے کے لیے: چائنہ چوک، پریس کلب روڈ، سپر مارکیٹ، آغا خان روڈ۔
خیابان سہروردی و ایمبیسی روڈ سے میریٹ ہوٹل کے لیے: شہید ملت روڈ، چائنا چوک انڈر پاس، پریس کلب روڈ، آغا خان روڈ۔
سری نگر ہائی وے سے سیکریٹریٹ کے لیے: سرینہ چوک، گلوب چوک، سیکریٹریٹ چوک۔
سیونتھ ایونیو سے سیکریٹریٹ کے لیے: مارگلہ روڈ، شاہراہ دستور۔
مزید پڑھیں:غیرملکی وفود کی نقل و حرکت، اسلام آباد پولیس کی شہریوں کے لیے اہم ہدایات
سیکٹر ایف 6 کے رہائشی حضرات: سیونتھ ایونیو اور مارگلہ روڈ کو متبادل راستے کے طور پر استعمال کریں۔
پولیس نے شہریوں سے اپیل کی ہے کہ وہ متبادل راستے استعمال کریں اور اس دوران صبر و تحمل کا مظاہرہ کریں۔
