اسلام آباد انٹرنیشنل ایئرپورٹ پاکستان کا پہلا ایئرپورٹ بن گیا ہے جہاں 5جی انٹرنیٹ سروس فراہم کر دی گئی ہے۔
پاکستان ایئرپورٹس اتھارٹی کے مطابق اب ایئرپورٹ پر مسافروں کو تیز رفتار 5جی انٹرنیٹ کی سہولت میسر ہوگی۔
یہ بھی پڑھیں: پاکستان میں 5جی انٹرنیٹ کی آمد سے اسٹریمنگ اسپیڈز میں 3 سے 5 گنا اضافہ متوقع
5جی انٹرنیٹ سروس کے ذریعے وہ بغیر رکاوٹ لائیو اسٹریمنگ، اعلیٰ معیار کی ویڈیو کالز اور تیز رفتار براؤزنگ سے استفادہ کر سکیں گے۔
پاکستان ایئرپورٹس اتھارٹی کا کہنا ہے کہ ایئرپورٹ کے اطراف کے علاقوں میں 5جی سروس پہلے ہی فعال کی جا چکی ہے۔
’ٹرمینل کے اندر مکمل اور بہتر کوریج فراہم کرنے کے لیے تکنیکی کام جاری ہے۔‘
مزید پڑھیں: 5جی اسپیکٹرم کی نیلامی، پاکستانی معیشت کو کتنا فائدہ ہوگا؟
یہ اقدام بڑے ٹرانسپورٹ مراکز پر جدید ڈیجیٹل انفرااسٹرکچر کے ذریعے مسافروں کے تجربے کو بہتر بنانے کی وسیع تر کوششوں کا حصہ ہے۔
اتھارٹی نے مزید بتایا کہ مستقبل قریب میں ملک کے دیگر بڑے ایئرپورٹس پر بھی 5جی سروسز فراہم کی جائیں گی۔
