برازیل نے ایک نیا قانون منظور کر لیا ہے جس کے تحت علیحدگی اختیار کرنے والے جوڑوں کو اپنے پالتو جانوروں کی مشترکہ تحویل (جوائنٹ کسٹڈی) کا حق حاصل ہوگا۔
یہ بھی پڑھیں: کتے انسانوں کے دوست کتنے ہزار سال پہلے بنے؟
برازیلین کانگریس کے مطابق اس قانون سے اس بات کو تسلیم کیا گیا ہے کہ لوگ اپنے پالتو جانوروں کو خاندان کا حصہ سمجھتے ہیں۔
نئے قانون کے تحت اگر علیحدہ ہونے والے جوڑے پالتو جانور کی تحویل پر اتفاق نہ کر سکیں تو معاملہ عدالت میں لے جایا جائے گا جہاں جج مشترکہ تحویل کا فیصلہ کرے گا اور جانور کے اخراجات دونوں فریقین میں منصفانہ طور پر تقسیم کیے جائیں گے۔
مزید پڑھیے: دوست زیادہ ہوں تو اچھا، کم ہوں تو اور اچھا، جانیے کیسے؟
تاہم یہ قانون صرف ان جوڑوں پر لاگو ہوگا جو اپنے پالتو جانور کے ساتھ طویل عرصہ گزار چکے ہوں۔ اگر کسی فریق کا ماضی گھریلو تشدد یا مجرمانہ سرگرمیوں سے جڑا ہو تو اسے مشترکہ تحویل نہیں دی جائے گی۔
برازیل میں پالتو جانوروں کی تعداد
اعداد و شمار کے مطابق برازیل میں تقریباً 21 کروڑ 30 لاکھ افراد کے پاس 16 کروڑ کے قریب پالتو جانور موجود ہیں۔
ماہرین کا کہنا ہے کہ ملک میں پالتو جانوروں کی ملکیت کے حوالے سے عدالتی تنازعات میں بھی اضافہ ہوا ہے جس کے پیش نظر یہ قانون متعارف کرایا گیا۔
رپورٹ کے مطابق شرحِ پیدائش میں کمی کے باعث لوگ پالتو جانوروں کو زیادہ اہمیت دے رہے ہیں اور انہیں حقیقی معنوں میں خاندان کا حصہ سمجھا جا رہا ہے۔
مزید پڑھیں: پالتو جانور سے محبت کا انوکھا انداز: خاتون نے سفر کے لیے ٹکٹ خرید لیا
یاد رہے کہ اس سے قبل اسپین اور فرانس بھی پالتو جانوروں کے حوالے سے قوانین میں تبدیلیاں کر چکے ہیں جہاں انہیں محض جائیداد کے بجائے ایک جاندار اور حساس مخلوق کے طور پر تسلیم کیا گیا ہے۔
