کراچی میں ٹریفک پولیس کی مہم کے دوران تین تلوار کے مقام سے فرار ہونے والے ملزم کو گرفتار کر لیا گیا ہے، جبکہ اس کی گاڑی بھی پولیس نے تحویل میں لے لی ہے۔
یہ بھی پڑھیں:کراچی: فینسی نمبر پلیٹس کیخلاف کریک ڈاؤن، کم عمر ڈرائیور ڈی آئی جی پولیس کی موجودگی میں فرار
پولیس حکام کے مطابق ملزم کو چند روز قبل کلفٹن کے علاقے 3 تلوار پر چیکنگ کے دوران روکا گیا تھا، تاہم وہ اپنی گاڑی تیز رفتاری سے بھگا کر موقع سے فرار ہو گیا تھا۔ اس واقعے کا مقدمہ یکم اپریل کو فریئر تھانے میں درج کیا گیا تھا۔
ایس ایس پی انویسٹی گیشن ساؤتھ کے مطابق ملزم کی گرفتاری کے بعد مزید تفتیش جاری ہے۔
یہ بھی پڑھیں:’بیٹے کا چالان کیوں کیا؟‘ ضلعی پولیس افسر کراچی ٹریفک پولیس اہلکار سے لڑ پڑا، ویڈیو وائرل
واضح رہے کہ یکم اپریل کو فینسی نمبر پلیٹس کے خلاف جاری مہم کے دوران ایک کم عمر ڈرائیور کو روکنے پر اس نے پہلے مزاحمت کی اور پھر گاڑی بھگا کر فرار ہو گیا تھا۔ فرار کے دوران وہ قریب موجود افراد کو ٹکر مارتا اور ٹریفک سگنلز کی خلاف ورزی کرتا ہوا نکل گیا تھا، جبکہ اس موقع پر ڈی آئی جی ٹریفک بھی موجود تھے۔
