پاکستان انٹرنیشنل ایئرلائنز (پی آئی اے) نے جیٹ فیول کی بڑھتی ہوئی قیمتوں کے پیش نظر ایک اہم فیصلہ کیا ہے اور مختلف شعبوں کے افراد کے لیے دی جانے والی تمام رعایتیں ختم کردی ہیں۔
میڈیا رپورٹس کے مطابق طلبہ، بزرگ شہریوں، صحافیوں، ریٹائرڈ فوجی اہلکاروں اور اے ایس ایف کے اہلکاروں کے لیے رعایتیں ختم کردی گئی ہیں۔
ایئرلائن کی انتظامیہ نے اس فیصلے کے نفاذ کے لیے ملک بھر کے تمام ایئرپورٹس پر متعلقہ اسٹاف کو ہدایات جاری کر دی ہیں۔
پی آئی اے کے ترجمان نے تصدیق کی ہے کہ یہ تمام رعایتیں عارضی طور پر معطل کی گئی ہیں اور یہ پابندی ایندھن کی قیمتیں معمول پر آنے تک برقرار رہے گی۔
انہوں نے مزید بتایا کہ جیٹ فیول کی بلند قیمتوں کی وجہ سے ایئرلائن کے اخراجات میں نمایاں اضافہ ہوا ہے، اس لیے یہ اقدام ناگزیر تھا۔
